ബൈക്ക് ഇടിച്ച് വിദ്യാർഥിക്കും ബൈക്ക് യാത്രികർക്കും പരിക്ക്
1464192
Sunday, October 27, 2024 1:43 AM IST
കൂത്താട്ടുകുളം: റോഡ് കുറുകെ കടക്കുന്നിതിനിടെ ബൈക്ക് ഇടിച്ച് സ്കൂൾ വിദ്യാർഥിക്കും ബൈക്ക് യാത്രികരായ യുവാക്കൾക്കും പരിക്കേറ്റു. എംസി റോഡിൽ കൂത്താട്ടുകുളം ടാക്സി സ്റ്റാന്ഡിനു സമീപം ഇന്നലെ വൈകുന്നേരം 3.15ഓടെയാണ് അപകടം. വഴിയാത്രക്കാരാനായ സ്കൂൾ വിദ്യാർഥി റിയാൻ (17), ബൈക്ക് യാത്രികരായ ഒലിയപ്പുറം ഫെബി അജി (19), കളത്തൂർ പള്ളിപ്പുറത്ത് ജിൽസ് മോൻ രാജു (21) എന്നിവർക്കാണ് പരിക്കേറ്റത്.
ഫെബിക്ക് തലയ്ക്ക് സാരമായ പരിക്കുണ്ട്. മറ്റാരുടെയും പരിക്ക് ഗുരുതരമല്ല. പരിക്കേറ്റ വിദ്യാർഥി പെരുന്പാവൂർ ഭാഗത്തുനിന്നു ബസിൽ എത്തിയശേഷം ടാക്സി സ്റ്റാൻഡിന് സമീപത്തെ സ്റ്റോപ്പിൽ ഇറങ്ങുകയായിരുന്നു. തുടർന്ന് റോഡ് കുറുകെ കടക്കുന്നതിനിടെ മൂവാറ്റുപുഴ ഭാഗത്തുനിന്ന് എത്തിയ ബൈക്ക് വിദ്യാർഥിയെ ഇടിച്ച് തെറിപ്പിക്കുകയായിരുന്നു. നിയന്ത്രണം നഷ്ടപ്പെട്ട ബൈക്കും റോഡിൽ മറഞ്ഞു. ബോധരഹിതനായി റോഡിൽ കിടന്ന വിദ്യാർഥിയെയും ബൈക്ക് യാത്രക്കാരെയും സമീപവാസികളാണ് ആശുപത്രിയിൽ പ്രവേശിപ്പിച്ചത്.