റവന്യു ജില്ലാ ശാസ്ത്രമേള: നോര്ത്ത് പറവൂരിന് കിരീടം
1463941
Saturday, October 26, 2024 2:06 AM IST
ആലുവ: ശാസ്ത്ര ലോകത്തിന് പുതു തലമുറയുടെ പ്രതീക്ഷകള് നല്കി ആലുവയില് രണ്ട് ദിവസമായി നടന്ന എറണാകുളം റവന്യൂ ജില്ല ശാസ്ത്രോത്സവം സമാപിച്ചു.
ഉപജില്ലാതലത്തില് നോര്ത്ത് പറവൂരും സ്കൂള് വിഭാഗത്തില് കോതമംഗംലം സെന്റ്് അഗസ്റ്റിന്സ് ഗേള്സ് എച്ച് എസ് എസും ജേതാക്കളായി. 1250 പോയിന്റ് നേടിയാണ് നോര്ത്ത് പറവൂര് ഉപജില്ല ഒന്നാം സ്ഥാനം കരസ്ഥമാക്കിയത്. 1082 പോയിന്റ് നേടി എറണാകുളം ഉപജില്ല രണ്ടാം സ്ഥാനത്തുമെത്തി. 391 പോയിന്റാണ്് കോതമംഗലം സെന്റ്അഗസ്റ്റിന്സ് ഗേള്സ് എച്ച് എസ് എസ് നേടിയത്. രണ്ടാം സ്ഥാനം 355 പോയിന്റ്് നേടിയ മൂവാറ്റുപുഴ സെന്റ്് അഗസ്റ്റിന്സ് ഗേള്സ് സ്കൂളിനാണ്.
ആലുവ ഗവണ്മെന്റ് ഗേള്സ് ഹയര് സെക്കന്ഡറി സ്കൂളില് നടന്ന സമാപന സമ്മേളനം കുന്നത്തുനാട് എംഎല്എ പി.വി.ശ്രീനിജന് ഉദ്ഘാടനം ചെയ്തു. പെരുമ്പാവൂര് എംഎല്എ എല്ദോസ് കുന്നപ്പള്ളി സമ്മാനദാനം നിര്വഹിച്ചു. ആലുവ മുനിസിപ്പല് ചെയര്മാന് എം.ഒ. ജോണ് അധ്യക്ഷനായി.
പോയിന്റ് നില (ആദ്യ രണ്ട് സ്ഥാനക്കാർ)
ശാസ്ത്രമേള
മികച്ച ഉപജില്ല: അങ്കമാലി (103), ആലുവ (96).
മികച്ചസ്കൂള്: മൂവാറ്റുപുഴ സെന്റ് അഗസ്റ്റിന്സ് ഗേള്സ് എച്ച്എസ്എസ് (42), കോട്ടപ്പടി മാര് ഏലിയാസ് എച്ച്എസ്എസ്(34).
പ്രവൃത്തിപരിചയ മേള
മികച്ച ഉപജില്ല: നോര്ത്ത് പറവൂര് (715), അങ്കമാലി (622).
മികച്ച സ്കൂള്: കോതമംഗലം സെന്റ് അഗസ്റ്റിന്സ് ഗേള്സ് എച്ച്എസ്എസ്(199), നോര്ത്ത് പറവൂര് ശ്രീനാരായണ എച്ച്എസ്എസ്(141).
ഐടി മേള
മികച്ച ഉപജില്ല: നോര്ത്ത് പറവൂര് (99), എറണാകുളം (90)
മികച്ച സ്കൂള്: മൂവാറ്റുപുഴ സെന്റ് അഗസ്റ്റിന്സ് എച്ച്എസ്എസ് (39), നോര്ത്ത് പറവൂര് എച്ച്എസ്എസ്(32).
സാമൂഹ്യശാസ്ത്ര മേള
മികച്ച ഉപജില്ല: എറണാകുളം (114), നോര്ത്ത് പറവൂര് (109).
മികച്ച സ്കൂള്: മൂവാറ്റുപുഴ സെന്റ് അഗസ്റ്റിന്സ് എച്ച്എസ്എസ് (48), എറണാകുളം സെന്റ് തെരേസാസ് കോണ്വെന്റ് ഗേള്സ് എച്ച്എസ്എസ്(41).
ഗണിതശാസ്ത്ര മേള
മികച്ച ഉപജില്ല: മൂവാറ്റുപുഴ (260), നോര്ത്ത് പറവൂര് (243)
മികച്ച സ്കൂള്: മൂവാറ്റുപുഴ സെന്റ് അഗസ്റ്റിന്സ് എച്ച്എസ്എസ്(132), കോതമംഗലം സെന്റ് അഗസ്റ്റിന്സ് എച്ച്എസ്എസ് (106).