ഭിന്നശേഷിക്കാരന്റെ വീടിനു നേരെ അതിക്രമമെന്ന് പരാതി
1463729
Friday, October 25, 2024 2:22 AM IST
കൊച്ചി: ഭിന്നശേഷിക്കാരനായ മകനുൾപ്പെടുന്ന കുടുംബത്തിന്റെ വീടിനു, ജപ്തി ചെയ്യാനെന്ന പേരിൽ വീട്ടിലെത്തിയ ഉദ്യോഗസ്ഥർ നാശനഷ്ടമുണ്ടാക്കിയെന്നു പരാതി. ആലുവ എംഎൽഎപ്പടിയിൽ താമസിക്കുന്ന കെ.കെ. വൈരമണിയുടെ വീട്ടിലാണ് അതിക്രമം നടന്നത്.
ആലുവയിലെ അർബൻ സഹകരണ ബാങ്കിൽ നിന്നു വായ്പയെടുത്ത താൻ, തിരിച്ചടയ്ക്കാനുള്ള തുകയുടെ ഭൂരിഭാഗവും അടച്ചതിനുശേഷവും ഉദ്യോഗസ്ഥർ പീഡനം തുടരുകയാണെന്ന് വൈരമണി പത്രസമ്മേളനത്തിൽ ആരോപിച്ചു. ആലുവയിൽ തുണിക്കട നടത്തുകയാണ് വൈരമണി.
ഭാര്യ വൽസല, മകൻ വിജേഷ് എന്നിവരും പത്രസമ്മേളനത്തിൽ പങ്കെടുത്തു.