ജീവനക്കാരനെ ആക്രമിച്ച കേസിൽ ഹോട്ടലുടമ പിടിയിൽ
1463955
Saturday, October 26, 2024 2:06 AM IST
ആലങ്ങാട്: ഹോട്ടൽ ജീവനക്കാരനായ നേപ്പാളി സ്വദേശിയായ യുവാവിനെ ആക്രമിച്ച സംഭവത്തിൽ ഹോട്ടലുടമ പിടിയിൽ.
ആലങ്ങാട് മാളികപീടികയിൽ മലബാർ ഹോട്ടൽ നടത്തുന്ന കണ്ണുർ സ്വദേശി ദാരുലിഷ്ക്ക് വീട്ടിൽ തൻവീറിനെയാണു(49) ആലങ്ങാട് പോലീസ് പീടികൂടിയത്.കൂലി തർക്കത്തെ തുടർന്നു ഹോട്ടലിലെ ജീവനക്കാരനായിരുന്ന നേപ്പാൾ സ്വദേശിയായ തുലാറാം മോജയെ ഉടമ ആലുവ പറവൂർ റോഡിൽ വച്ചു സ്കൂട്ടർ ഇടിപ്പിക്കുകയായിരുന്നു. തുടർന്നു കൈക്കും കാലിനും ഗുരുതര പരുക്കേറ്റ നേപ്പാൾ സ്വദേശിയെ ആശുപത്രിയിൽ പ്രവേശിപ്പിച്ചു.രണ്ടു മാസം മുൻപാണു സംഭവം നടന്നത്. തുടർന്നു ഒളിവിലായിരുന്ന പ്രതിയെ ഇന്നലെ ആലങ്ങാട് പോലീസ് പിടികൂടുകയായിരുന്നു. കോടതിയിൽ ഹാജരാക്കി റിമാൻഡ് ചെയ്തു.