വാഹനം ഫ്ളാഗ് ഓഫ് ചെയ്തു
1463438
Thursday, October 24, 2024 1:18 AM IST
കോതമംഗലം: കോതമംഗലം അഗ്രിക്കൾച്ചർ പ്രൊഡ്യൂസർ കന്പനി നബാർഡിന്റെ സഹായത്തോടെ നടപ്പാക്കുന്ന അഗ്രോ ടൂറിസം പദ്ധതിയുടെ ഭാഗമായി പുറത്തിറക്കിയിട്ടുള്ള വാഹനത്തിന്റെ ഫ്ളാഗ് ഓഫ് നബാർഡ് ചീഫ് ജനറൽ മാനേജർ ബൈജു എൻ. കുറുപ്പ് നിർവഹിച്ചു. കോതമംഗലം ബ്ലോക്കിലെ 50 കർഷകർക്ക് കൃഷിയിൽ നിന്നുള്ള വരുമാനത്തിന് പുറമെ മറ്റു വരുമാനം കണ്ടെത്തുന്നതിനു വേണ്ടി നടപ്പാക്കുന്ന പദ്ധതിയാണിത്.
കോതമംഗലം അഗ്രിക്കൾച്ചർ പ്രൊഡ്യൂസർ കന്പനി ചെയർമാൻ സേവ്യർ ജോസഫ്, ജില്ലാ പഞ്ചായത്തംഗം കെ.കെ. ദാനി, നബാർഡ് എറണാകുളം ഡിഡിഎം അജേഷ് ബാലു, നബാർഡ് ഇടുക്കി ഡിഡിഎം അരുണ്, കോതമംഗലം അഗ്രിക്കൾച്ചർ പ്രൊഡ്യൂസർ കന്പനി സിഇഒ സുനിൽ സിറിയക്, ഡയറക്ടർമാരായ പോൾ വർഗീസ്, കെ.എം. കോരച്ചൻ, ജോർജ് തോമസ് എന്നിവർ പങ്കെടുത്തു.