കുടുംബസുരക്ഷാ പദ്ധതി ആനുകൂല്യം വിതരണം ചെയ്തു
1463424
Thursday, October 24, 2024 1:18 AM IST
നെടുമ്പാശേരി: നെടുമ്പാശേരി മേഖല മർച്ചന്റ്സ് വെൽഫയർ ട്രസ്റ്റിന്റെ നേതൃത്വത്തിൽ നടത്തുന്ന കുടുംബ സുരക്ഷാ പദ്ധതി ആനുകൂല്യ വിതരണം അൻവർ സാദത്ത് എംഎൽഎ നിർവഹിച്ചു. പദ്ധതിയിൽ അംഗങ്ങളായിരിക്കെ മരണപ്പെടുന്ന വ്യാപാരിയുടെ ആശ്രിതർക്കാണ് ആനുകൂല്യങ്ങൾ നൽകുന്നത്.
കേരള വ്യാപാരി വ്യവസായി ഏകോപന സമിതി കരിയാട് യൂണിറ്റ് അംഗമായ കലാദേവിയുടെ കുടുംബത്തിനാണ് എംഎൽഎ ആനുകൂല്യങ്ങൾ നൽകിയത്. യൂണിറ്റ് പ്രസിഡന്റ് കെ.ജെ. ഫ്രാൻസിസ് അധ്യക്ഷനായിരുന്നു.
ട്രസ്റ്റ് ചെയർമാൻ സി.പി. തരിയൻ, കെ.ബി. സജി, ബിന്നി തരിയൻ, ഷാജു സെബാസ്റ്റ്യൻ, പി.കെ. എസ്തോസ്, ടി.എസ്. മുരളി, എ.വി. രാജഗോപാൽ, കെ.ജെ. പോൾസൺ, ഷൈബി ബെന്നി, ജിന്നി പ്രിൻസ്, മായ പ്രകാശൻ എന്നിവർ യോഗത്തിൽ സംസാരിച്ചു.