വായനയുടെ വിസ്മയലോകം പദ്ധതിക്ക് തുടക്കം
1463426
Thursday, October 24, 2024 1:18 AM IST
അങ്കമാലി: റോജി എം. ജോണ് എഎല്എയുടെ നേതൃത്വത്തില് നിയോജകമണ്ഡലത്തിലെ 48 സ്കൂളുകളില് നടപ്പാക്കുന്ന വായനയുടെ വിസ്മയ ലോകം പദ്ധതിയ്ക്ക് തുടക്കംകുറിച്ചു. പദ്ധതിയുടെ ഉദ്ഘാടനം മൂക്കന്നൂര് സേക്രഡ് ഹാര്ട്ട് ഓര്ഫനേജ് ഹൈസ്കൂളില് സിയാല് മാനേജിംഗ് ഡയറക്ടര് എസ്. സുഹാസ് നിര്വഹിച്ചു.
സ്കൂള് ലൈബ്രറിയിലേക്കുള്ള പുസ്തകങ്ങള് അദ്ദേഹം സ്കൂള് അധികൃതര്ക്ക് കൈമാറി. മൂക്കന്നൂര് പഞ്ചായത്ത് പ്രസിഡന്റ് കെ.വി. ബിബീഷ് അധ്യക്ഷത വഹിച്ചു. സിഎസ്ടി സഭ സുപ്പീരിയര് ബ്രദര് ഡോ. വര്ഗീസ് മഞ്ഞളി, സ്കില്സ് എക്സലന്സ് സെന്റര് കണ്വീനര് ടി.എം. വര്ഗീസ്, ജില്ലാ പഞ്ചായത്തംഗം ഷൈനി ജോര്ജ്, പഞ്ചായത്ത് വൈസ് പ്രസിഡന്റ് ഗ്രേസി ചാക്കോ, സ്കൂള് ഹെഡ്മിസ്ട്രസ് സോണിയ വര്ഗീസ്, പിടിഎ പ്രസിഡന്റ് പി.എസ്. ബ്രിജ്ലാല് തുടങ്ങിയവർ പങ്കെടുത്തു.