പരിക്കിലും പതറാതെ ജാവലിന് പായിച്ച് ആല്ബര്ട്ട്
1463420
Thursday, October 24, 2024 1:18 AM IST
കോതമംഗലം: പരിക്ക് വകവയ്ക്കാതെ ആല്ബര്ട്ട് ജാവലിന് പായിച്ചത് സ്വര്ണത്തിലേക്ക്. സീനിയര് വിഭാഗം ജാവലിന് ത്രോയിലാണ് മാര് ബേസില് സ്കൂളിലെ പ്ലസ് വണ് വിദ്യാര്ഥിയായ ആല്ബര്ട്ട് കെ.ജോണ് 4.53 മീറ്റർ ജാവലിൻ പായിച്ച് സ്വര്ണം നേടിയത്.
തോളിനേറ്റ പരിക്കിനെ തുടര്ന്ന് കഴിഞ്ഞ ഒരു വര്ഷമായി ആല്ബര്ട്ടിന് കൃത്യമായി പരിശീലനം നടത്താനായിട്ടില്ല. കണ്ണൂര് തളിപ്പറമ്പാണ് സ്വദേശം.
ഇവർ വ്യക്തിഗത ചാമ്പ്യന്മാര്
കോതമംഗലം: ജില്ലാ സ്കൂള് കായികമേളയില് സീനിയര് ആണ്കുട്ടികളില് മാര് ബേസില് സ്കൂളിലെ ബേസില് ബെന്നി ജേക്കബ് വ്യക്തിഗത ചാമ്പ്യനായി. 3000, 1500 മീറ്റര് മത്സരങ്ങളില് സ്വര്ണവും 800 മീറ്ററില് വെങ്കലവും കരസ്ഥമാക്കിയ ബേസില് ബെന്നിക്ക് 11 പോയിന്റാണുള്ളത്.
പെണ്കുട്ടികളില് സി.ആര്. നിത്യയാണ് ഈ വിഭാഗത്തിലെ ചാമ്പ്യന്. 3000, 1500, 800 മീറ്ററുകളില് ഒന്നാമതായ നിത്യ 15 പോയിന്റ് നേടി.
ജൂണിയര് ആൺകുട്ടികളിൽ മൂക്കന്നൂര് സേക്രഡ് ഹാര്ട്ട് ഓര്ഫനേജ് എച്ച്എസിലെ ജെസ്വിന് ജോയിയും പെണ്കുട്ടികളില് കീരമ്പാറ സെന്റ് സ്റ്റീഫന്സ് ഗേള്സ് എച്ച്എസിലെ അദബിയ ഫര്ഹാനും ചാമ്പ്യൻമാരായി.
15 പോയിന്റാണ് ഇരുവർക്കും. 800, 3000, 1500 മീറ്റര് മത്സരത്തില് ജെസ്വിന് ഒന്നാമനായപ്പോള് 100 മീറ്റര്, ട്രിപ്പിള് ജംപ്, ലോഗ് ജംപ് ഇനങ്ങളിലാണ് അദബിയ ട്രിപ്പിൾ തികച്ചത്.
സബ്ജൂണിയര് പെണ്കുട്ടികളില് 100, 200, മീറ്ററിലും ലോംഗ് ജംപിലും സ്വര്ണം നേടിയ ഏയ്ഞ്ചല് പ്രിന്സന് 15 പോയിന്റോടെ ചാമ്പ്യനായി.
ആണ്കുട്ടികളില് ഒക്കല് എസ്എന്എച്ച്എസ്എസിലെ ഡെന്നി ഡേവിസാണ് ചാമ്പ്യന്. 100, 200 മീറ്ററുകളില് സ്വർണവും ലോംഗ് ജംപില് വെളളിയും നേടിയ താരം 13 പോയിന്റ് സ്വന്തമാക്കി.