കേക്ക് മിക്സിംഗ് സംഘടിപ്പിച്ചു
1463430
Thursday, October 24, 2024 1:18 AM IST
മുവാറ്റുപുഴ: ക്രിസ്മസ് ആഘോഷങ്ങൾക്ക് മുന്നോടിയായി വാഴക്കുളം വിശ്വജ്യോതി എൻജിനീയറിംഗ് കോളജിൽ ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി ഡിപ്പാർട്ട്മെന്റിന്റെ നേതൃത്വത്തിൽ കേക്ക് മിക്സിംഗ് സംഘടിപ്പിച്ചു. അന്താരാഷ്ട്ര ഷെഫ്ഡേയുടെ ഭാഗമായിട്ടാണ് പരിപാടി സംഘടിപ്പിച്ചത്.
ഉണക്കമുന്തിരി, ഈന്തപ്പഴം കശുവണ്ടി പരിപ്പ്, ആപ്രിക്കോട്ട്, ചെറി, ബദാം, പിസ്ത തുടങ്ങിയ പഴങ്ങളും ഗ്രാന്പൂ, കറുകപ്പട്ട തുടങ്ങിയ സുഗന്ധവ്യഞ്ജനങ്ങളും പഴച്ചാറുകൾ, വൈൻ തുടങ്ങിയ ചേരുവകളും ഉൾപ്പെടുത്തിയാണ് മിശ്രിതം തയാറാക്കുന്നത്. ഇങ്ങനെ കലർത്തിവച്ച ഉണക്കപ്പഴങ്ങളുടെ കൂട്ട് ക്രിസ്മസിന് കേക്ക് തയാറാക്കുന്നതിന് ഉപയോഗപ്പെടുത്തുന്നു.
കാലപ്പഴക്കം ഏറും തോറും സ്വാദും ഗുണവും വർധിക്കും എന്നതിനാലാണ് മാസങ്ങൾക്കു മുന്പേ ഇത് തയാറാക്കുന്നത്. കോളേജ് മാനേജർ മോണ്. ഡോ. പയസ് മലേക്കണ്ടത്തിൽ ഉദ്ഘാടനം ചെയ്തു. കോളജ് ഡയറക്ടർ ഡോ. പോൾ പാറത്താഴം, പ്രിൻസിപ്പൽ ഡോ. കെ.കെ. രാജൻ, വൈസ് പ്രിൻസിപ്പൽ സോമി പി. മാത്യു, ഹോട്ടൽ മാനേജ്മെന്റ് ഡിപ്പാർട്മെന്റ് മേധാവി കെ.എസ്. സുജിത്, ട്രഷറർ കെ.ടി. തോമസ്, അഡ്മിനിസ്ട്രേറ്റീവ് ഓഫീസർ സണ്ണി ജേക്കബ്, വിവിധ ഡിപ്പാർട്ട്മെന്റ് മേധാവിമാരായ അമൽ ഓസ്റ്റിൻ, ഡോ. സോണി കുര്യൻ, ഡോ. അനീറ്റ ബ്രിജിത്ത് മാത്യു എന്നിവർ പങ്കെടുത്തു.