വിപ്പുലംഘനം; യുഡിഎഫ് കൗൺസിലർക്ക് നോട്ടീസ് നൽകി
1463939
Saturday, October 26, 2024 2:06 AM IST
കാക്കനാട്: വിപ്പു ലംഘിച്ച് വോട്ട് അസാധുവാക്കിയ തൃക്കാക്കര നഗരസഭയിലെ യുഡിഎഫ് വനിതാ കൗൺസിലർക്ക് ഡിസിസി ജില്ലാ പ്രസിഡന്റ് മുഹമ്മദ് ഷിയാസ് കാരണം കാണിക്കൽ നോട്ടീസ് നൽകി.
യുഡിഎഫ് പിന്തുണയോടെ വൈസ് ചെയർമാൻ സ്ഥാനത്തേക്ക് മത്സരിച്ച അബ്ദു ഷാനക്ക് വോട്ടു നൽകണമെന്ന് നിർദേശിച്ച് 16 കോൺഗ്രസ് കൗൺസിലർമാർക്കും ഡിസിസി പ്രസിഡന്റ് ബ്ലോക്ക് പ്രസിഡന്റ് മുഖേന വിപ്പു നൽകിയിരുന്നു. ഡിവിഷൻ 42ൽ നിന്നും തെരഞ്ഞെടുക്കപ്പെട്ട രജനി ജീജൻ തന്റെ സ്ലിപ്പിൽ പേരെഴുതാത്തതു കാരണം വോട്ട് അസാധുവായി.
വിപ്പു ലംഘനം നടത്തിയ കൗൺസിലർക്കെതിരേ ബ്ലോക്ക് പ്രസിഡന്റ് റാഷിദ് ഉള്ളംപിള്ളി നൽകിയ പരാതിയിലാണ് ഡിസിസി പ്രസിഡന്റ് രജനി ജീജന് കാരണം കാണിക്കൽ നോട്ടീസ് നൽകിയത്.