മൂവാറ്റുപുഴ-തേനി ഹൈവേ : അപാകതകൾ സംബന്ധിച്ച് പരിശോധന നടത്തി
1463730
Friday, October 25, 2024 2:22 AM IST
മൂവാറ്റുപുഴ: കെഎസ്ടിപിയുടെ ഉദ്യോഗസ്ഥരും ജനപ്രതിനിധികളും മൂവാറ്റുപുഴ - തേനി റോഡിന്റെ അപാകതകൾ സംബന്ധിച്ച് സ്ഥലപരിശോധന നടത്തി. കല്ലൂർക്കാട് പഞ്ചായത്തിലെ വിവിധ സ്ഥലങ്ങളിൽ പൊതുജനങ്ങളും തദ്ദേശവാസികളും ജനപ്രതിനിധികൾ, കെഎസ്ടിപി ഉദ്യോഗസ്ഥർ എന്നിവരോടൊപ്പം പരിശോധനയിൽ പങ്കുചേർന്നു. ഫണ്ടിന്റെ അപര്യാപ്തത മൂലം വലിയ മാറ്റങ്ങൾ സാദ്ധ്യമല്ലെന്ന് ഉദ്യോഗസ്ഥരും ജനപ്രതിനിധികളും അറിയിച്ചു.
ചെയ്യാൻ സാധിക്കുന്ന ചെറിയ ചെറിയ മാറ്റങ്ങൾ വരുത്തുവാൻ ശ്രമിക്കാമെന്നും അവർ വ്യക്തമാക്കി.
തഴവംകുന്നു കവലയ്ക്കു സമീപം പട്ടരുമഠം വളവ്, മുണ്ടപ്ലാക്കൽ പുരയിടം, കണിയാംകുടിക്കവല, പോലീസ് സ്റ്റേഷൻ വളവ്, കൊച്ചുമുട്ടം വളവ്, ഭഗവതി ക്ഷേത്ര സമീപമുള്ള വളവ്, തുടങ്ങിയ സ്ഥലങ്ങളിലാണ് പരിശോധന നടത്തിയത്. മാത്യു കുഴൽനാടൻ എംഎൽഎയുടെ നിർദേശംകാരം നടന്ന പരിശോധനയിൽ പഞ്ചായത്ത് പ്രസിഡന്റ് സുജിത് ബേബി, ബ്ലോക്ക് പഞ്ചായത്തംഗം പ്രഫ. ജോസ് അഗസ്റ്റിൻ, പഞ്ചായത്തംഗങ്ങളായ ജോർജ് ഫ്രാൻസീസ് തെക്കേക്കര, സുമിത സാബു, കെഎസ്ടിപി അന്സ്റ്റന്റ് എക്സിക്യൂട്ടീവ് എൻജിനീയർ ഷിനു കുമാർ, എ.ഇ. അനിമ തുടങ്ങിയവർ പങ്കെടുത്തു.