കരുതലൊരുക്കി ആര്യയും അമലയും
1463942
Saturday, October 26, 2024 2:06 AM IST
ആലുവ: കാഴ്ചപരിമിതർക്കു കരുതലൊരുക്കി എറണാകുളം കച്ചേരിപ്പടി സെന്റ് ആന്റണീസ് ഹയർ സെക്കൻഡറി സ്കൂളിലെ ആര്യ വി. നായരും അമല ആന്റണിയും. അൾട്രാ സോണിക് സെൻസർ ഘടിപ്പിച്ച സ്മാർട്ട് വൈറ്റ് കെയിൻ അവതരിപ്പിച്ചാണ് ഇരുവരും മേളയിൽ കരുതലിന്റെ ശാസ്ത്രപാഠങ്ങൾ പകർന്നത്.
സ്മാർട്ട് കെയിൻ അസാധാരണമായി ഏതെങ്കിലും വസ്തുവിൽ തട്ടിയാൽ അതു പിടിച്ചിരിക്കുന്ന ഭാഗം വൈബ്രേറ്റ് ചെയ്യും. ജിപിഎസ് ഘടിപ്പിച്ചിട്ടുള്ളതിനാൽ ലൊക്കേഷൻ വിവരങ്ങൾ മൊബൈലിലേക്ക് എസ്എംഎസ് ആയി എത്തും. വടിയുടെ മുകൾഭാഗത്ത് ചെറിയ ബോക്സിനുള്ളിലാണ് സെൻസർ ഘടിപ്പിച്ചിട്ടുള്ളത്. ഹയർ സെക്കൻഡറി വിഭാഗം വർക്കിംഗ് മോഡലിലാണ് സ്മാർട്ട് കെയിൻ അവതരിപ്പിച്ചത്.