ബസും ബൈക്കും കൂട്ടിയിടിച്ച് മത്സ്യവില്പനക്കാരൻ മരിച്ചു
1464181
Sunday, October 27, 2024 1:26 AM IST
വാഴക്കുളം: കെഎസ്ആർടിസി ബസും ബൈക്കും കൂട്ടിയിടിച്ച് മത്സ്യവില്പനക്കാരൻ മരിച്ചു. ഇടുക്കി മാങ്കുളം സ്വദേശി മൂവാറ്റുപുഴ വാഴപ്പിള്ളിയിൽ താമസിക്കുന്ന പുത്തൻ പുരയ്ക്കൽ പി.ഐ. ജോർജ് (53) ആണ് മരിച്ചത്.
തൊടുപുഴ മാർക്കറ്റിൽനിന്നും മത്സ്യം വാങ്ങി വില്പനക്കായി മൂവാറ്റുപുഴയ്ക്ക് വരുന്ന വഴി ഇന്നലെ പുലർച്ചെ 12ഓടെ ആവോലിയിൽ ജോർജ് ഓടിച്ചിരുന്ന ബൈക്കും കെഎസ്ആർടിസി ബസും തമ്മിൽ കൂട്ടിയിടിച്ചാണ് അപകടം. ഉടൻ നാട്ടുകാർ മൂവാറ്റുപുഴയിലെ സ്വകാര്യ ആശുപത്രിയിൽ എത്തിച്ചങ്കിലും ജീവൻ രക്ഷിക്കാനായില്ല. വാഴക്കുളം പോലീസ് മേൽനടപടികൾ സ്വീകരിച്ചു. സംസ്കാരം ഇന്ന് രാവിലെ 11ന് മാങ്കുളം വിരിപാറ സെന്റ് ആന്റണീസ് പള്ളിയിൽ. ഭാര്യ: ജെസി. മക്കൾ: എബി ജോർജ്, ജിബിൻ ജോർജ്.