സ്റ്റുഡന്റ് പോലീസ് കേഡറ്റുകൾ പോലീസ് സ്റ്റേഷൻ സന്ദർശിച്ചു
1464188
Sunday, October 27, 2024 1:43 AM IST
മൂവാറ്റുപുഴ: എസ്എൻഡിപി ഹയർ സെക്കൻഡറി സ്കൂളിലെ സ്റ്റുഡന്റ് പോലീസ് കേഡറ്റുകൾ മൂവാറ്റുപുഴ പോലീസ് സ്റ്റേഷൻ സന്ദർശിച്ചു. ഡിവൈഎസ്പി പി.എം. ബൈജുവിന് കുട്ടികൾ അഭിവാദ്യമർപ്പിച്ചു. തുടർന്ന് സ്റ്റേഷനിലെ ഓരോ പ്രവർത്തനങ്ങളും കുട്ടികൾ നേരിൽ കാണുകയും മനസിലാക്കുകയും ചെയ്തു.
സ്റ്റേഷനിലെ പ്രവർത്തനങ്ങൾ സിഐ ശശികുമാർ, പിആർഒ സിബി അച്യുതൻ എന്നിവർ വിശദീകരിച്ചു. എസ്പിസിയുടെ ലക്ഷ്യങ്ങളെപ്പറ്റിയും കുട്ടികൾ ആർജിക്കേണ്ട കഴിവുകളെപ്പറ്റിയും സ്റ്റുഡന്റ് പോലീസ് കേഡറ്റ് എന്തായിരിക്കണമെന്നും സ്റ്റേഷൻ പിആർഒ സിബി അച്യുതൻ കുട്ടികൾക്ക് ക്ലാസെടുത്തു.