സ്വയംതൊഴില് സംരംഭകത്വ സെമിനാര്
1463952
Saturday, October 26, 2024 2:06 AM IST
അങ്കമാലി: അങ്കമാലി ബ്ലോക്ക് സാമൂഹ്യ ക്ഷേമ സഹകരണ സംഘം തുറവൂരിന്റെ നേതൃത്വത്തില് സ്വയം തൊഴില്-ചെറുകിട വ്യവസായ സംരംഭകത്വ സെമിനാര് സംഘടിപ്പിച്ചു. പഞ്ചായത്ത് പ്രസിഡന്റ് ജെസി ജോയി ഉദ്ഘാടനം ചെയ്തു. സംഘം പ്രസിഡന്റ് എം.വി. അഗസ്റ്റിന് അധ്യക്ഷത വഹിച്ചു.
പഞ്ചായത്ത് പരിധിയില് വസിക്കുന്ന കുടുംബശ്രീ അംഗങ്ങള്, കുടുംബ യൂണിറ്റുകള്, ഹരിത കര്മ സേനാംഗങ്ങള്, പുരുഷ സ്വയം സഹായസംഘങ്ങള്, റസിഡന്സ് അസോസിയേഷനുകള് എന്നിവര്ക്കായാണ് സെമിനാര് നടത്തിയത്.
അങ്കമാലി ബ്ലോക്ക് ഇന്ഡസ്ട്രീസ് എക്സ്റ്റന്ഷന് ഓഫീസര് ടി.വൈ. ജോബി, വ്യവസായ വകുപ്പ് റിട്ടയേര്ഡ് ഡപ്യൂട്ടി ഡയറക്ടര് ടി.എസ്. ചന്ദ്രബോസ് എന്നിവര് ക്ലാസുകള് നയിച്ചു. തുറവൂര് പള്ളി വികാരി ഫാ. ആന്റണി പുതിയാപറമ്പില്, പഞ്ചായത്ത് സ്ഥിരംസമിതി അധ്യക്ഷന് എം.പി. മാര്ട്ടിന് തുടങ്ങിയവര് പ്രസംഗിച്ചു.