കാപ്പ ചുമത്തി നാടുകടത്തി
1464187
Sunday, October 27, 2024 1:43 AM IST
കോതമംഗലം: നിരന്തര കുറ്റാവാളിയായ കോതമംഗലം സ്വദേശിയായ യുവാവിനെ കാപ്പ ചുമത്തി നാടുകടത്തി. കോതമംഗലം മലയിൻകീഴ് വാളാടിതണ്ട് നഗർ റോഡിൽ കുടിയാറ്റ് അലക്സിനെ (25)യാണ് ഒരു വർഷത്തേക്ക് നാടുകടത്തിയത്. ജില്ലാ പോലീസ് മേധാവി വൈഭവ് സക്സേനയു റിപ്പോർട്ടിന്റെ അടിസ്ഥാനത്തിലാണ് എറണാകുളം റേഞ്ച് ഡെപ്യൂട്ടി ഇൻസ്പെക്ടർ ജനറൽ തോംസണ് ജോസ് ഉത്തരവിട്ടത്. വധശ്രമം, അടിപിടി, കുറ്റകരമായ ഭയപ്പെടുത്തൽ, മോഷണം, അതിക്രമിച്ച് കടക്കൽ തുടങ്ങി നിരവധി കേസിലെ പ്രതിയാണ് ഇയാൾ. കഴിഞ്ഞ ഓഗസ്റ്റിൽ കോതമംഗലം പോലീസ് സ്റ്റേഷൻ പരിധിയിൽ നടന്ന അടിപിടി കേസിൽ പ്രതിയായതിനെതുടർന്നാണ് നടപടി.