വല്ലം ഫൊറോന പള്ളിയില് അമ്മത്രേസ്യായുടെ തിരുനാളിനു കൊടിയേറി
1463737
Friday, October 25, 2024 2:22 AM IST
പെരുമ്പാവൂര്: വല്ലം സെന്റ് തെരേസാസ് ഫൊറോന പള്ളിയില് വിശുദ്ധ അമ്മത്രേസ്യായുടെ തിരുനാളിന് കൊടിയേറി. വികാരി ഫാ.പോൾ മാടശേരി കൊടിയേറ്റ് നിർവഹിച്ചു.
ഇന്നു രാവിലെ ഏഴിനു വിശുദ്ധ കുര്ബാനയ്ക്ക് ഫാ. വര്ഗീസ് പുളിക്കല് കാര്മികത്വം വഹിക്കും. തുടര്ന്ന് പന്തല് വെഞ്ചിരിപ്പ്, ഓഹരി നെയ്യപ്പം ചുടല്. വൈകുന്നേരം ആറിനു കുര്ബാന, നൊവേന, ലദീഞ്ഞ്. ഫാ. ബിബിന് മുളവരിക്കല് കാര്മികത്വം വഹിക്കും. നാളെ രാവിലെ ഏഴിനു കുര്ബാന. 9.30-ന് വി. അമ്മത്രേസ്യായുടെ തിരുശേഷിപ്പും തിരുസ്വരൂപവും എഴുന്നള്ളിച്ചുവയ്ക്കല്. ആഘോഷമായ പാട്ടുകുര്ബാനയ്ക്കു ഫാ. ജോസ് മൈപ്പാന് കാര്മികത്വം വഹിക്കും. പ്രസംഗം: ഫാ. ജോണ് തൈപറമ്പില്. തുടര്ന്ന് കുട്ടികളെ എഴുത്തിനിരുത്തല്. മോണ്. ആന്റണി പെരുമായന് കാര്മികത്വം വഹിക്കും. വൈകുന്നേരം 4.30ന് സമൂഹബലി, പ്രസംഗം, തുടര്ന്ന് അങ്ങാടി പ്രദക്ഷിണം. ഇടവകാംഗങ്ങളായ വൈദികർ കാർമികത്വം വഹിക്കും. തുടർന്ന് കരിമരുന്ന് വിസ്മയം.
ഞായറാഴ്ച രാവിലെ 5.30നും 6.30നും 7.30നും കുര്ബാന ഫാ. ജോര്ജ് പുത്തന്പറമ്പില് കാര്മികത്വം വഹിക്കും, 10ന് ആഘോഷമായ പാട്ടുകുര്ബാന ഫാ. പോള്സണ് പെരേപ്പാടന് .പ്രസംഗം : ഫാ. ഷിജോ മേപ്പിള്ളി. പ്രസുദേന്തി വാഴ്ച, അങ്ങാടി പ്രദക്ഷിണം. വൈകുന്നേരം നാലിന് ആവിലാസ്പര്ശം-പരീക്ഷാ ഒരുക്ക ശുശ്രൂഷ ഫാ. ഡെര്ബിന് ഈട്ടിക്കാട്ടില് കാര്മികത്വം വഹിക്കും. അഞ്ചിനു ഫാ. ജിതിന് ഞവരക്കാട്ടിന്റെ കാര്മികത്വത്തിൽ കുര്ബാന. പള്ളിചുറ്റി പ്രദക്ഷിണം, രൂപം എടുത്തുവയ്ക്കല്. തുടര്ന്ന് മെഗാ ഫ്യൂഷന് ചെണ്ടമേളം വയലിന്.28ന് മരിച്ചവരുടെ ഓര്മദിനം. രാവിലെ 6.30ന് കുര്ബാന. നവംബര് രണ്ട്, മൂന്ന് തീയതികളിലാണ് എട്ടാമിടം.
വികാരി ഫാ. പോള് മാടശേരി, സഹവികാരി ഫാ. അലന് കാളിയങ്കര, കൺവീനർമാരായ ഡിനോ ദേവസി ഇടപ്പുളവന്, ഇമ്മാനുവല് കരോട്ടപ്പുറം, ജോയിന്റ് കൺവീനർ തങ്കച്ചന് തേയ്ക്കാനം, കൈക്കാരന്മാരായ ലിയോ പോള് ആപ്പാടന്, സാബു ചുള്ളി, പബ്ലിസിറ്റി കൺവീനർ ഇ.വി. ബെഞ്ചമിന് എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിക്കുന്നുണ്ട്.