ബംഗളൂരുവിലേക്ക് പറന്ന് വയോമിത്രം അംഗങ്ങൾ
1463946
Saturday, October 26, 2024 2:06 AM IST
കോതമംഗലം: കോതമംഗലത്തെ വയോമിത്രം അംഗങ്ങൾ ബംഗളൂരുവിലേക്ക് പറന്ന് വിമാനയാത്രയെന്ന സ്വപ്നം സഫലമാക്കി. നഗരസഭയിലെ സാമൂഹ്യ സുരക്ഷാ മിഷൻ വയോമിത്രം പദ്ധതിയിലെ 30 അംഗങ്ങളാണ് ബംഗളൂരു വിമാന ട്രിപ്പിലുണ്ടായിരുന്നത്.
സഹസ്ര ഫൗണ്ടേഷൻ ഏജൻസിയുടെ സഹായത്തോടെയാണ് നെടുന്പാശേരിയിൽ നിന്ന് ബംഗളൂരുവിലേക്ക് യാത്ര സംഘടിപ്പിച്ചത്. നഗരസഭാംഗം പി.ആർ. ഉണ്ണിക്കൃഷണൻ, വയോമിത്രം കോ-ഓർഡിനേറ്റർ സുധ വിജയൻ, ജെപിഎച്ച്എൻ ലിൻസി തോമസ് എന്നിവരാണ് വയോമിത്രം അംഗങ്ങൾക്ക് ഒപ്പം ഉണ്ടായിരുന്നത്.
വിമാന യാത്രയോടൊപ്പം ബംഗളൂരുവിലെ വിനോദസഞ്ചാര കേന്ദ്രങ്ങളും സന്ദർശിച്ച് ആട്ടവും പാട്ടുമായ് യാത്ര ആഘോഷമാക്കിയതിന്റെ സന്തോഷത്തിലാണ് കോതമംഗലത്തെ ഒരു കൂട്ടം മാതാപിതാക്കൾ.