മഹിളാ കോണ്ഗ്രസ് ബ്ലോക്ക്തല ക്യാന്പ്
1463437
Thursday, October 24, 2024 1:18 AM IST
മൂവാറ്റുപുഴ: സമൂഹത്തിന്റെ ഭാവി രൂപപ്പെടുത്തിയെടുക്കുന്നതിൽ മഹിളാ കോണ്ഗ്രസ് സംഘടനയുടെ പങ്ക് അനിവാര്യമെന്ന് മാത്യു കുഴൽനാടൻ എംഎൽഎ. മൂവാറ്റുപുഴ ബ്ലോക്ക് തല മഹിളാ കോണ്ഗ്രസ് ക്യാന്പ് ഉദ്ഘാടനം ചെയ്യുകയായിരുന്നു അദ്ദേഹം. മേക്കടന്പ് സർവീസ് സഹകരണ ബാങ്ക് ഓഡിറ്റോറിയത്തിലായിരുന്നു ക്യാന്പ്.
മഹിളാ കോണ്ഗ്രസ് ബ്ലോക്ക് പ്രസിഡന്റ് മിനി എൽദോ അധ്യക്ഷത വഹിച്ചു. ജില്ല പ്രസിഡന്റ് സുനില സിബി, സംസ്ഥാന ജനറൽ സെക്രട്ടറിമാരായ രാജലക്ഷമി, ജയ സോമൻ, കോണ്ഗ്രസ് ബ്ലോക്ക് പ്രസിഡന്റ് സാബു ജോണ്, ജില്ല ഭാരവാഹികളായ രജിത പി, സിന്ധു ബെന്നി, മുൻ സംസ്ഥാന ട്രഷറർ മേരി പീറ്റർ, ജില്ല പഞ്ചായത്ത് അംഗം ഷാന്റി ഏബ്രഹാം, മുൻ പഞ്ചായത്ത് പ്രസിഡന്റ് സോഫിയ ബീവി, ബ്ലോക്ക് വൈസ് പ്രസിഡന്റ് ഇ. സുനിത, സെക്രട്ടറി സിനിജ സനിൽ തുടങ്ങിയവർ പങ്കെടുത്തു.
പോത്താനിക്കാട്: മഹിളാ കോണ്ഗ്രസ് മഞ്ഞള്ളൂർ ബ്ലോക്ക് ക്യാന്പ് പോത്താനിക്കാട് ഇന്ദിരാഭവനിൽ മാത്യു കുഴൽനാടൻ എംഎൽഎ ഉദ്ഘാടനം ചെയ്തു. ബ്ലോക്ക് പ്രസിഡന്റ് ആശാ ജിമ്മി അധ്യക്ഷത വഹിച്ചു. ജില്ലാ പ്രസിഡന്റ് സുനില സിബി മെന്പർഷിപ്പ് ലോഞ്ച് ഉദ്ഘാടനം ചെയ്തു. രാജലക്ഷ്മി കുറുമോത്ത് ക്ലാസ് നയിച്ചു.
മഞ്ഞള്ളൂർ ബ്ലോക്ക് കോണ്ഗ്രസ് പ്രസിഡന്റ് സുബാഷ് കടയ്ക്കോട്ട് മുഖ്യപ്രഭാഷണം നടത്തി. സംസ്ഥാന സെക്രട്ടറി ജയ സോമോൻ, സനിത ബിജു, ബിന്ദു ഗോപി, സിന്ധു ബെന്നി, അലക്സി സ്കറിയ, ഷാജി സി. ജോണ്, കെ.വി. കുര്യാക്കോസ്, സന്തോഷ് ഐസക് എന്നിവർ പ്രസംഗിച്ചു.