കാട്ടുപന്നികള് കൃഷി നശിപ്പിച്ചു
1463733
Friday, October 25, 2024 2:22 AM IST
പോത്താനിക്കാട്: വടക്കേപുന്നമറ്റത്ത് കാട്ടുപന്നികള് കൃഷി നശിപ്പിച്ചു. ഓണിയേലില് സൈമണ് മാണിയുടെ കപ്പ, കാച്ചിൽ, ചേമ്പ്, കൃഷികളാണ് ബുധനാഴ്ച രാത്രി കാട്ടുപന്നികള് നശിപ്പിച്ചത്.
ഏകദേശം 10,000 രൂപയുടെ നഷ്ടം കണക്കാക്കുന്നതായും ഇത് സംബന്ധിച്ച് വനം വകുപ്പിന് പരാതി നല്കിയിട്ടുണ്ടെന്നും സൈമണ് പറഞ്ഞു.
ചാത്തമറ്റം പൊത്തന്ചീനി വനത്തിനോടു ചേര്ന്ന് കിടക്കുന്ന ഈ മേഖലയില് കാട്ടുപന്നികളുടേയും കാട്ടാനകളുടേയും മറ്റ് വന്യമൃഗങ്ങളുടേയും ശല്യം രൂക്ഷമാണെന്നും അധികൃതരുടെ ശ്രദ്ധയുണ്ടാകണമെന്നും നാട്ടുകാര് ആവശ്യപ്പെട്ടു.