എം.കെ. സാനുവിന്റെ ജന്മദിനാഘോഷം നാളെ
1463940
Saturday, October 26, 2024 2:06 AM IST
കൊച്ചി : കേരളത്തിന്റെ സാഹിത്യ സാംസ്കാരിക സാമൂഹ്യ ഇടങ്ങളിലെ നിറസാന്നിധ്യവും തലമുറകളുടെ ഗുരുനാഥനുമായ പ്രഫ. എം.കെ. സാനുവിന്റെ 98-ാം ജന്മദിനാഘോഷം നാളെ രാവിലെ 11ന് ചാവറ കള്ച്ചറല് സെന്ററില് നടത്തും. ജസ്റ്റീസ് ദേവന് രാമചന്ദ്രന് മുഖ്യപ്രഭാഷണം നടത്തും. എം.കെ.സാനു രചിച്ച അന്തിമേഘങ്ങളിലെ വര്ണഭേദങ്ങള് എന്ന പുസ്തകവും സാനുവിനെ കുറിച്ച് പ്രഫ. എം. തോമസ് മാത്യു രചിച്ച ഗുരവേ നമഃ എന്ന പുസ്തകവും പ്രകാശനം ചെയ്യും.
ഹൈബി ഈഡന് എംപി, ടി.ജെ.വിനോദ് എംഎല്എ എന്നിവര്ക്ക് പുസ്തകത്തിന്റെ ആദ്യപ്രതി നല്കി ജസ്റ്റീസ് ദേവന് രാമചന്ദ്രന് പുസ്തക പ്രകാശനം നിര്വഹിക്കും. തുടര്ന്ന് എം.കെ. സാനു ജന്മദിന കേക്ക് മുറിക്കും. സിഎംഐ വിദ്യാഭ്യാസ മാധ്യമ വിഭാഗം ജനറല് കൗണ്സിലര് റവ. ഡോ. മാര്ട്ടിന് മള്ളാത്ത് അധ്യക്ഷത വഹിക്കും. ഡിസിപി കെ.എസ്. സുദര്ശന്, കോര്പറേഷന് പബ്ലിക് വര്ക്സ് സ്റ്റാൻഡിംഗ് കമ്മിറ്റി ചെയര്പേഴ്സണ് വി.കെ. മിനിമോള് എന്നിവര് സന്നിഹിതരാകും.