ഗുണ്ടാ സംഘത്തിന്‍റെ മര്‍ദനം: യുവാവ് സുഹൃത്തിന്‍റെ വീട്ടില്‍ മരിച്ചനിലയില്‍
Friday, September 6, 2024 3:43 AM IST
അ​ങ്ക​മാ​ലി: ഗു​ണ്ടാ സം​ഘ​ത്തി​ന്‍റെ മ​ര്‍​ദ​ന​മേ​റ്റ യു​വാ​വി​നെ സു​ഹൃ​ത്തി​ന്‍റെ വീ​ട്ടി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി. അ​ങ്ക​മാ​ലി പാ​ലി​ശേ​രി കൂ​ര​ത്ത് വീ​ട്ടി​ല്‍ പ​രേ​ത​നാ​യ ബാ​ബു​വി​ന്‍റെ​യും ജ​ല​ജ​യു​ടെ​യും മ​ക​ന്‍ ര​ഘു(35) ആ​ണു മ​രി​ച്ച​ത്. മു​ന്നൂ​ര്‍​പ്പി​ള്ളി​യി​ലു​ള്ള സു​ഹൃ​ത്ത് സു​ജി​ത്തി​ന്‍റെ വീ​ട്ടി​ലാ​ണ് ര​ഘു​വി​നെ ഇ​ന്ന​ലെ രാ​വി​ലെ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്.

ബു​ധ​നാ​ഴ്ച രാ​ത്രി 11 നാ​ണ് ര​ഘു സു​ജി​ത്തി​ന്‍റെ വീ​ട്ടി​ലെ​ത്തി​ത്. മ​ര്‍​ദ​ന​മേ​റ്റ വി​വ​രം ര​ഘു സു​ജി​ത്തി​നോ​ട് പ​റ​ഞ്ഞി​രു​ന്നു. രാ​വി​ലെ ഉ​ണ​രാ​തി​രു​ന്ന​തി​നെ തു​ട​ര്‍​ന്ന് നോ​ക്കി​യ​പ്പോ​ഴാ​ണ് മ​രി​ച്ചു കി​ട​ക്കു​ന്ന​താ​യി കാ​ണു​ന്ന​ത്. ക​ട്ടിം​ഗ് സ്വ​ദേ​ശി സ​തീ​ഷും സം​ഘ​വു​മാ​ണ് ര​ഘു​വി​നെ മ​ര്‍​ദി​ച്ച​തെ​ന്ന് പോ​ലീ​സ് പ​റ​ഞ്ഞു.

സ​തീ​ഷും സം​ഘ​വും അ​ടി​ച്ചി​ലി കു​ന്ന​പ്പി​ള്ളി​യി​ലെ ഒ​രു വാ​ട​ക കെ​ട്ടി​ട​ത്തി​ല്‍ വാ​റ്റ് ചാ​രാ​യം സൂ​ക്ഷി​ച്ചി​രു​ന്നു. ഈ ​ചാ​രാ​യം ര​ഘു​വും കൂ​ട്ടു​കാ​രും ക​ട​ത്തി​ക്കൊ​ണ്ടു​പോ​യെ​ന്ന് ആ​രോ​പി​ച്ചാ​യി​രു​ന്നു മ​ര്‍​ദ​നം. ര​ഘു​വി​ന്‍റെ ര​ണ്ടു സു​ഹൃ​ത്തു​ക​ളെ ഇ​വ​ര്‍ നേ​ര​ത്തെ ത​ട്ടി​ക്കൊ​ണ്ടു​പോ​യി മ​ര്‍​ദി​ച്ചി​രു​ന്നു. എ​ന്നാ​ല്‍ ഇ​വ​ര്‍ പോ​ലീ​സി​ല്‍ പ​രാ​തി ന​ല്‍​കി​യി​ല്ല.


ബു​ധ​നാ​ഴ്ച​യാ​ണ് ര​ഘു​വി​നെ ത​ട്ടി​ക്കൊ​ണ്ടു​പോ​യി മ​ര്‍​ദി​ച്ച​ത്. മ​ര്‍​ദി​ച്ച​ശേ​ഷം തി​രി​കെ കൊ​ണ്ടു​വ​ന്നാ​ക്കി. സ​തീ​ഷി​നെ​യും മ​റ്റു ര​ണ്ടു​പേ​രെ​യും പോ​ലീ​സ് തെ​ര​യു​ന്നു​ണ്ട്. സ​തീ​ഷ് ഒ​ലി​വ് മൗ​ണ്ടി​ലു​ള്ള സു​ഹൃ​ത്തി​ന്‍റെ വീ​ട്ടി​ല്‍ ചെ​ന്ന​താ​യി വി​വ​രം ല​ഭി​ച്ച​തി​നെ തു​ട​ര്‍​ന്ന് പോ​ലീ​സ് അ​വി​ടെ എ​ത്തി പ​രി​ശോ​ധ​ന ന​ട​ത്തി.

ഇ​യാ​ളു​ടെ വീ​ട്ടി​ല്‍ നി​ന്നും പ​ഴ​യ ര​ണ്ട് എ​യ​ര്‍​ഗ​ണ്‍ പി​ടി​ച്ചെ​ടു​ത്തി​ട്ടു​ണ്ട്. സ​തീ​ഷ് സ​ഞ്ച​രി​ച്ചി​രു​ന്ന കാ​റും പോ​ലീ​സ് ക​സ്റ്റ​ഡി​യി​ലെ​ടു​ത്തു. ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രും ഫോ​റ​ന്‍​സി​ക് വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

ഗു​ണ്ടാ​സം​ഘ​ത്തി​ന്‍റെ മ​ര്‍​ദ​ന​മേ​റ്റ​താ​കാം മ​ര​ണ​കാ​ര​ണ​മെ​ന്നാ​ണ് പോ​ലീ​സ് നി​ഗ​മ​നം. കൊ​ല​പാ​ത​ക​മെ​ന്ന നി​ല​യി​ലാ​ണ് പോ​ലീ​സ് കേ​സെ​ടു​ത്തി​രി​ക്കു​ന്ന​ത്.

ര​ഘു​വി​ന്‍റെ ശ​രീ​ര​ത്തി​ല്‍ മ​ര്‍​ദ​ന​മേ​റ്റ പാ​ടു​ക​ളു​ണ്ട്. പോ​സ്റ്റു​മോ​ര്‍​ട്ടം റി​പ്പോ​ര്‍​ട്ട് ല​ഭി​ച്ചാ​ല്‍ മാ​ത്ര​മേ മ​ര​ണ​കാ​ര​ണം സം​ബ​ന്ധി​ച്ച് വ്യ​ക്ത​ത ല​ഭി​ക്കു​ക​യു​ള്ളൂ. മൃ​ത​ദേ​ഹം പോ​ലീ​സ് ന​ട​പ​ടി​ക​ള്‍ പൂ​ര്‍​ത്തി​യാ​ക്കി പോ​സ്റ്റു​മോ​ര്‍​ട്ട​ത്തി​നാ​യി ക​ള​മേ​ശ​രി മെ​ഡി​ക്ക​ല്‍ കോ​ള​ജി​ലേ​ക്ക് മാ​റ്റി.