വൈപ്പിൻ: തട്ടുകട നടത്തുന്ന യുവാവിന് അണലിയുടെ കടിയേറ്റു. മാലിപ്പുറം വെളിയിൽ തട്ടുകട നടത്തുന്ന ഷാജിക്കാണ് കഴിഞ്ഞ ദിവസം അണലിയുടെ കടിയേറ്റത്. ഇയാളെ എറണാകുളം ജില്ലാ ആശുപത്രിയിൽ പ്രവേശിപ്പിച്ചു.
കടിയേറ്റ ഉടൻ ആശുപത്രിയിലെത്തിച്ചതിനാൽ അപകടനില തരണം ചെയ്തതായി ഡോക്ടർമാർ പറഞ്ഞു. എങ്കിലും ആൾ നിരീക്ഷണത്തിലാണ്.
വ്യാഴാഴ്ച രാത്രി ഏഴോടെ കട അടയ്ക്കുന്നതിനിടെ എണ്ണ സൂക്ഷിച്ചിരുന്ന കാൻ എടുത്തു മാറ്റുന്പോഴാണ് അതിനടിയിലുണ്ടായിരുന്ന അണലി ഷാജിയെ കടിച്ചത്.