കോട്ടയം: ട്രെയിന്‍ യാത്രക്കാരിയുടെ ഐ ഫോണും 35,000 രൂപയും മോഷ്ടിച്ചയാളെ കോട്ടയം റെയില്‍വേ പോലീസ് പിടികൂടി. കണ്ണൂര്‍ പടിഞ്ഞാറെമുറിയില്‍ മുകേഷ് (29) നെയാണ് അറസ്റ്റ് ചെയ്തത്. മോഷണം നടത്തിയ ഫോണ്‍ കോട്ടയം നഗരത്തിലെ മൊബൈല്‍ ഫോണ്‍ കടയില്‍ വിൽക്കാന്‍ ശ്രമിക്കുമ്പോഴാണ് ഇയാളെ റെയില്‍വേ പോലീസ് പിടികൂടിയത്.
ഞായറാഴ്ച പുലര്‍ച്ചെ ആറിനു പൂനൈ-കന്യാകുമാരി എക്‌സ്പ്രസ് ട്രെയിനില്‍ വച്ചാണു തിരുവനന്തപുരം സ്വദേശിനിയുടെ ഫോണും പണവും മോഷ്‌ടിച്ചത്. ഇയാളുടെ പേരില്‍ കണ്ണൂര്‍ ആലക്കോട്, പള്ളിക്കത്തോട്, എറണാകുളം റെയില്‍വേ പോലീസ്, ഏറ്റുമാനൂര്‍, ഗാന്ധിനഗര്‍ സ്റ്റേഷനുകളില്‍ കേസുണ്ട്. റെയില്‍വേ എസ്എച്ച്ഒ റെജി പി. ജോസഫിന്‍റെ നേതൃത്വത്തിലാണ് പ്രതിയെ പിടികൂടിയത്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.