അറുനൂറ്റിമംഗലം: അറുനൂറ്റിമംഗലം കുടുംബാരോഗ്യ കേന്ദ്രത്തെ പ്രാഥമികാരോഗ്യ കേന്ദ്രമാക്കി തരം താഴ്ത്തിയ നടപടിയില് പ്രതിഷേധിച്ചു കോണ്ഗ്രസ് പ്രവര്ത്തകര് ധര്ണാസമരം നടത്തി. കോണ്ഗ്രസ് മുളക്കുളം മണ്ഡലം കമ്മിറ്റിയാണ് ധര്ണാസമരം നടത്തിയത്.
മൂന്ന് ജീവനക്കാരെ വൈക്കത്തേക്ക് സ്ഥലം മാറ്റിയതോടെ അറുനൂറ്റിമംഗലം ആശുപത്രിയുടെ പ്രവര്ത്തനം പ്രതിസന്ധിയിലാകുമെന്നും സമരക്കാര് പറയുന്നു. ഡിസിസി വൈസ് പ്രസിഡന്റ് ബിജു പുന്നത്താനം ഉദ്ഘാടനം ചെയ്തു. കോണ്ഗ്രസ് കടുത്തുരുത്തി ബ്ലോക്ക് പ്രസിഡന്റ് ജയിംസ് പുല്ലാപ്പള്ളില്, ഡിസിസി ജനറല് സെക്രട്ടറി സുനു ജോര്ജ്, പി.ആര്. രാജീവ്, മണ്ഡലം പ്രസിഡന്റ് ജെഫി ജോസഫ്, സുബിന് മാത്യു, ജിത്തു കരിമാടം, രഘു മുള്ളന്കുഴി, ബാബു മറ്റകോടന്, തുടങ്ങിയവര് പ്രസംഗിച്ചു.