ഞീഴൂര്‍: ചിത്തിരവിലാസം എന്‍എസ്എസ് കരയോഗത്തിന്‍റെയും വനിതാ സമാജത്തിന്‍റെയും വാര്‍ഷിക യോഗവും കുടുംബ സംഗമവും വൈക്കം താലൂക്ക് യൂണിയന്‍ ചെയര്‍മാന്‍ പി.ജി.എം. നായര്‍ ഉദ്ഘാടനം ചെയ്തു. പ്രസിഡന്‍റ് വി.ബി. വിനോദ്കുമാര്‍ അധ്യക്ഷത വഹിച്ചു.
പഞ്ചായത്തിലെ മികച്ച സമ്മിശ്ര കര്‍ഷകനുള്ള അവാര്‍ഡ് ലഭിച്ച അനൂപ് കുമാര്‍, മികച്ച ക്ഷീരകര്‍ഷകയ്ക്കുള്ള അവാര്‍ഡു ലഭിച്ച ശോഭന രാധാകൃഷ്ണന്‍, പ്ലസ്ടു പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ നന്ദന ബി.നായര്‍ എന്നിവരെ എന്‍എസ്എസ് പ്രതിനിധിസഭാംഗം എന്‍. പത്മനാഭപിള്ള, യൂണിയന്‍ ഇന്‍സ്പെക്ടര്‍ എസ്. മുരുകേശ്, ബ്ലോക്ക് പഞ്ചായത്തംഗം നളിനി രാധാകൃഷ്ണന്‍ എന്നിവര്‍ അനുമോദിച്ചു. ഞീഴൂര്‍ പഞ്ചായത്ത് പ്രസിഡന്‍റ് ശ്രീകലാ ദിലീപ്, പി.ഡി. രാധാകൃഷ്ണന്‍, ബിന്ദു രാധാകൃഷ്ണന്‍, അനില്‍കുമാര്‍ മാളിയ്ക്കേല്‍, ജിലുമോള്‍ ബാബുരാജ് എന്നിവര്‍ പ്രസംഗിച്ചു.