വൈക്കം: പരിമിതികൾക്കിടയിൽ പ്രതിബദ്ധതയോടെ പ്രവർത്തിച്ചു 105 ശതമാനം പ്രതിദിന വരുമാനം നേടി റെക്കാർഡിട്ട വൈക്കം കെഎസ്ആർടിസി ഡിപ്പോയിലെ ജീവനക്കാരെ വൈക്കം കെഎസ്ആർടിസി സംരക്ഷണ സമിതിയുടെ നേതൃത്വത്തിൽ ഉപഹാരം നൽകി അനുമോദിച്ചു. ഡോ. പ്രീത് ഭാസ്കറിന്റെ അധ്യക്ഷതയിൽ നടന്ന യോഗത്തിൽ സമിതി രക്ഷാധികാരി പി. സോമൻപിള്ള സൂപ്രണ്ട് സിന്ധുവിന് ഉപഹാരം നൽകി. പ്രസിഡന്റ് സുബൈർ, സെക്രട്ടറി മധു ആർ. പണിക്കർ, ജീവനക്കാർ തുടങ്ങിയവർ സംബന്ധിച്ചു.