കാ​ഞ്ഞി​ര​പ്പ​ള്ളി-​മ​ണി​മ​ല റോ​ഡി​ൽ അ​റ്റ​കു​റ്റ​പ്പ​ണി​ക​ൾ ആ​രം​ഭി​ച്ചു
Monday, September 23, 2024 11:35 PM IST
കാ​ഞ്ഞി​ര​പ്പ​ള്ളി: കാ​ഞ്ഞി​ര​പ്പ​ള്ളി-​മ​ണി​മ​ല റോ​ഡി​ലെ യാ​ത്ര​ക്കാ​ർ​ക്ക് ആ​ശ്വാ​സ​മാ​യി അ​റ്റ​കു​റ്റ​പ്പ​ണി​ക​ൾ ആ​രം​ഭി​ച്ചു. വ​ർ​ഷ​ങ്ങ​ളാ​യി ത​ക​ർ​ന്നു​കി​ട​ന്ന റോ​ഡി​ന്‍റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് നി​ര​വ​ധി​ത്ത​വ​ണ നാ​ട്ടു​കാ​രും രാ​ഷ്‌​ട്രീ​യ​പാ​ർ​ട്ടി​ക​ളും പ​രാ​തി​ക​ൾ ന​ൽ​കു​ക​യും പ്ര​തി​ഷേ​ധി​ക്കു​ക​യും ചെ​യ്ത​തി​നെ​ത്തു​ട​ർ​ന്നാ​ണ് ക​ഴി​ഞ്ഞ​ദി​വ​സം മു​ത​ൽ അ​റ്റ​കു​റ്റ​പ്പ​ണി​ക​ൾ ആ​രം​ഭി​ച്ച​ത്.

കി​ഫ്ബി അ​നു​വ​ദി​ച്ച 50 ല​ക്ഷം രൂ​പ മു​ട​ക്കി​യാ​ണ് കാ​ഞ്ഞി​ര​പ്പ​ള്ളി മു​ത​ൽ മ​ണ്ണ​നാ​നി വ​രെ​യു​ള്ള എ​ട്ടു കി​ലോ​മീ​റ്റ​ർ ഭാ​ഗ​ത്തും മ​ണി​മ​ല മു​ത​ൽ കു​ള​ത്തൂ​ർ​മൂ​ഴി വ​രെ​യു​ള്ള റോ​ഡി​ലെ ത​ക​ർ​ന്ന അ​ഞ്ചു കി​ലോ​മീ​റ്റ​ർ ഭാ​ഗ​ത്തും അ​റ്റ​കു​റ്റ​പ്പ​ണി​ക​ൾ ന​ട​ത്തു​ന്ന​ത്. അ​തീ​വ ശോ​ച്യാ​വ​സ്ഥ​യു​ള്ള ഭാ​ഗ​ത്ത് റീ​ടാ​റിം​ഗും മ​റ്റി​ട​ങ്ങ​ളി​ൽ കു​ഴി​ക​ൾ അ​ട​യ്ക്കു​ന്ന ജോ​ലി​ക​ളു​മാ​ണ് ആ​രം​ഭി​ച്ചി​രി​ക്കു​ന്ന​തെ​ന്ന് ചീ​ഫ് വി​പ്പ് ഡോ. ​എ​ൻ. ജയ​രാ​ജ് പ​റ​ഞ്ഞു.


നി​ർ​ദി​ഷ്ട കാ​ഞ്ഞി​ര​പ്പ​ള്ളി-​മ​ണി​മ​ല-​കു​ള​ത്തൂ​ർ​മൂ​ഴി ക​ർ​ഷ​ക സൗ​ഹൃ​ദ ലി​ങ്ക് റോ​ഡി​ന്‍റെ ഭാ​ഗ​മാ​യി കാ​ഞ്ഞി​ര​പ്പ​ള്ളി-​മ​ണി​മ​ല റോ​ഡും കി​ഫ്ബി ഏ​റ്റെ​ടു​ത്തി​രു​ന്നു. പ​ദ്ധ​തി​ക്ക് കി​ഫ്ബി അ​നു​വ​ദി​ച്ച 78 കോ​ടി രൂ​പ​യ്ക്കു ഭ​ര​ണാ​നു​മ​തി​യും ല​ഭി​ച്ചു. എ​ന്നാ​ൽ ലി​ങ്ക് റോ​ഡി​ന്‍റെ നി​ർ​മാ​ണ​ത്തി​നു മുന്നോ​ടി​യാ​യി പൈ​പ്പു​ക​ളും വൈ​ദ്യു​തി​പോ​സ്റ്റു​ക​ളും മ​റ്റും മാറ്റി സ്ഥാ​പി​ക്കു​ന്ന​തി​നു വി​വി​ധ വ​കു​പ്പു​ക​ൾ ആ​വ​ശ്യ​പ്പെ​ട്ട യൂട്ടി​ലി​റ്റി ഷി​ഫ്റ്റിം​ഗ് തു​ക കൂ​ടു​ത​ലാ​യ​തി​നാ​ൽ എ​സ്റ്റി​മേ​റ്റ് തു​ക 87 കോ​ടി രൂ​പ​യാ​യി വ​ർ​ധി​പ്പി​ക്കേ​ണ്ടി വന്നു.

എ​സ്റ്റി​മേ​റ്റ് വ​ർ​ധി​പ്പി​ച്ച് നി​ർ​മാ​ണ പ്ര​വ​ർ​ത്ത​ന​ങ്ങ​ൾ ടെ​ൻ​ഡ​ർ ചെ​യ്യാ​നു​ള്ള ന​ട​പ​ടി​ക​ളും ഇ​തോ​ടെ വൈ​കി. തു​ട​ർ​ന്നാ​ണ് കിഫ്ബി അ​റ്റ​കു​റ്റ​പ്പ​ണി​ക​ൾ​ക്കാ​യി തു​ക അ​നു​വ​ദി​ച്ച​ത്.