പാമ്പാടി : നിയന്ത്രണം നഷ്ടപ്പെട്ട കാർ മറ്റൊരു കാറിലിടിച്ചശേഷം സമീപത്തെ ചായക്കടയിലേക്ക് ഇടിച്ചു കയറി. പതിനൊന്നാം മൈലിലിൽ ഇന്നലെ മൂന്നോടെയായിരുന്നു സംഭവം.
പൊൻകുന്നം ഭാഗത്തുനിന്നു വന്ന കാർ എതിർദിശയിൽ വന്ന കാറിൽ ഇടിക്കുകയായിരുന്നു. കാർ ഓടിച്ചിരുന്നയാൾ ഉറങ്ങിപ്പോയതാണ് അപകടമുണ്ടാകാൻ കാരണം. അപകടത്തിൽ ആർക്കും സാരമായി പരിക്കില്ല. പൊൻകുന്നം സ്വദേശിയുടെ കാറും കൂരാലി സ്വദേശി എൽഐസി ഏജന്‍റ് സുരേഷ് കുമാറിന്‍റെ കാറുമാണ് അപകടത്തിൽപ്പെട്ടത്.