തൃക്കൊടിത്താനം: തൃക്കൊടിത്താനം ഫൊറോന ഇടവകയിലെ യുവദീപ്തി-എസ്എംവൈഎമ്മിന്‍റെ നേതൃത്വത്തില്‍ പാറക്കടവില്‍ അപ്പച്ചന്‍, മറിയാമ്മ മെമ്മോറിയല്‍ സേവ്യേഴ്‌സ് കപ്പ് ഫുട്‌ബോള്‍ ടൂര്‍ണമെന്‍റ് ഗവണ്‍മെന്‍റ് ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍ നടത്തി. മാടപ്പള്ളി ബ്ലോക്ക് പഞ്ചായത്ത് പ്രസിഡന്‍റ് എന്‍. രാജുവും തൃക്കൊടിത്താനം ഫൊറോന വികാരി ഫാ. ആന്‍റണി എത്തക്കാടും ചേര്‍ന്ന് ഉദ്ഘാടനം ചെയ്തു.
ടൂര്‍ണമെന്‍റ് ഫൈനലില്‍ ഫാത്തിമാപുരം എഫ്‌സിയെ പരാജയപ്പെടുത്തി സേവ്യേഴ്‌സ് എഫ്‌സി ജേതാക്കളായി. കോട്ടയം ജില്ലാ പഞ്ചായത്ത് വികസന സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ മഞ്ജു സുജിത് സമ്മാനദാനം നിര്‍വഹിച്ചു. ടൂര്‍ണമെന്‍റ് കണ്‍വീനര്‍മാരായ അലന്‍ ടി. സാജന്‍ തിനപ്പറമ്പില്‍, ക്രിസ്റ്റോ ആന്‍റണി മുക്കാട്ട്, അലന്‍ മാത്യൂ തെള്ളിയില്‍, പ്രസിഡന്‍റ് ദീപു അപ്രേം ജെ. മാറാട്ടുകളം എന്നിവര്‍ പ്രസംഗിച്ചു.