വാഴൂരിൽ വ​നി​താ ഫി​റ്റ്ന​സ് സെ​ന്‍റ​ർ ഉ​ദ്ഘാ​ട​നം നാ​ളെ
Sunday, September 22, 2024 11:11 PM IST
വാ​ഴൂ​ർ: പ​ഞ്ചാ​യ​ത്ത് വ​നി​താ ഫി​റ്റ്ന​സ് സെ​ന്‍റ​റി​ന്‍റെ ഉ​ദ്ഘാ​ട​നം നാ​ളെ ഉ​ച്ച​ക​ഴി​ഞ്ഞ് മൂ​ന്നി​ന് ന​ട​ക്കു​മെ​ന്ന് പ​ഞ്ചാ​യ​ത്ത് ഭാ​ര​വാ​ഹി​ക​ൾ പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു. ത​ദ്ദേ​ശ സ്വ​യം​ഭ​ര​ണ​മ​ന്ത്രി എം.​ബി. രാ​ജേ​ഷ് ഫി​റ്റ്ന​സ് സെ​ന്‍റ​ർ ഉ​ദ്ഘാ​ട​നം ചെ​യ്യും. ചീ​ഫ് വിപ്പ് ഡോ. ​എ​ൻ. ജ​യ​രാ​ജ് അ​ധ്യ​ക്ഷ​ത വ​ഹി​ക്കും. ആ​ന്‍റോ ആ​ന്‍റ​ണി എം​പി മു​ഖ്യ​പ്ര​ഭാ​ഷ​ണം ന​ട​ത്തും. ത്രി​ത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ളും പൊ​തു​പ്ര​വ​ർ​ത്ത​ക​രും പ​ങ്കെ​ടു​ക്കും.

വ​നി​ത​ക​ളു​ടെ കാ​യി​ക​ക്ഷ​മ​ത ഉ​റ​പ്പു​വ​രു​ത്തു​ന്ന​തി​നും സ്ത്രീ ​ശ​ക്തീ​ക​ര​ണ പ്ര​വ​ർ​ത്ത​ന​ങ്ങ​ളി​ൽ നൂ​ത​ന​മാ​യ ആ​ശ​യ​ങ്ങ​ൾ ന​ട​പ്പി​ലാ​ക്കു​ന്ന​തി​ന്‍റെ​യും ഭാ​ഗ​മാ​യാ​ണ് പ​ഞ്ചാ​യ​ത്ത് ജ​ന​കീ​യ ആ​സൂ​ത്ര​ണ പ​ദ്ധ​തി പ്ര​കാ​രം വ​നി​ത​ക​ളു​ടെ ഫി​റ്റ്ന​സ് സെ​ന്‍റ​ർ ആ​രം​ഭി​ക്കു​ന്ന​ത്. 1200 സ്ക്വ​യ​ർഫീ​റ്റ് വി​സ്തീ​ർ​ണ​മു​ള്ള കെ​ട്ടി​ട​ത്തി​ൽ ട്രെ​ഡ്മി​ൽ, സ്പി​ൻ ബൈ​ക്ക്, എ​ലി​പ്റ്റി​ക്ക​ൽ റോ​വിം​ഗ്, മെ​ഷീ​ൻ മ​ൾ​ട്ടി ജിം, ​മെ​ഷീ​ൻ സ്മി​ത്ത്, മെ​ഷീ​ൻ ട്വി​സ്റ്റ​ർ തു​ട​ങ്ങി​യ ആ​ധു​നി​ക സൗ​ക​ര്യ​ങ്ങ​ളോ​ടു​കൂ​ടി​യാ​ണ് ഫി​റ്റ്ന​സ് സെ​ന്‍റ​ർ ക്ര​മീ​ക​രി​ച്ചി​രി​ക്കു​ന്ന​ത്. ടോ​യ്‌‌​ല​റ്റ്, ഡ്ര​സ് ചെ​യ്ഞ്ചിം​ഗ് റൂം ​തു​ട​ങ്ങി​യ സൗ​ക​ര്യ​ങ്ങ​ളു​മു​ണ്ട്. പ​രി​ശീ​ല​ക​യു​ടെ സാ​ന്നി​ധ്യ​വും ഉ​ണ്ടാ​കും. ഫി​റ്റ്ന​സ് സെ​ന്‍റ​റി​നോ​ട​നു​ബ​ന്ധി​ച്ച് ആ​ഴ്ച​യി​ൽ മൂ​ന്നു ദി​വ​സം യോ​ഗ പ​രി​ശീ​ല​നം ല​ഭ്യ​മാ​കും. ആ​യു​ർ​വേ​ദ ഡോ​ക്ട​റു​ടെ നേ​തൃ​ത്വ​ത്തി​ലാ​ണ് യോ​ഗ പ​രി​ശീ​ല​നം ന​ട​ത്തു​ന്ന​ത്.


ഫി​റ്റ്ന​സ് സെ​ന്‍റ​റി​ൽ ആ​ദ്യത്തെ 100 പേ​ർ​ക്ക് അ​ഡ്മി​ഷ​ൻ ഫീ​സ് 250 രൂ​പ​യും ആ​ദ്യ ഒ​രു വ​ർ​ഷ​ത്തേ​ക്ക് പ്ര​തി​മാ​സം 300 രൂ​പ​യും മാ​ത്ര​മാ​യി ഫീ​സ് ക്ര​മീ​ക​രി​ച്ചി​ട്ടു​ണ്ട്. മെ​ഡി​ക്ക​ൽ ഓ​ഫീ​സ​ർ, ഐ​സി​ഡി​എ​സ് സൂ​പ്പ​ർ​വൈ​സ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്.
പ​ത്ര​സ​മ്മേ​ള​ന​ത്തി​ൽ വാ​ഴൂ​ർ പ​ഞ്ചാ​യ​ത്ത് പ്ര​സി​ഡ​ന്‍റ് വി.​പി. റെജി, വൈ​സ് പ്ര​സി​ഡ​ന്‍റ് ഡി. ​സേ​തു​ല​ക്ഷ്മി, പ​ഞ്ചാ​യ​ത്തം​ഗ​ങ്ങ​ളാ​യ ജി​ജി ന​ടു​വ​ത്താ​നി, പി.​ജെ. ശോ​ശാ​മ്മ, ശ്രീ​കാ​ന്ത് പി. ​ത​ങ്ക​ച്ച​ൻ, തോ​മ​സ് വെ​ട്ടു​വേ​ലി​ൽ, എ​സ്. അ​ജി​ത്കു​മാ​ർ, ജി​ബി പൊ​ടി​പ്പാ​റ എ​ന്നി​വ​ർ പ​ങ്കെ​ടു​ത്തു.