അ​ധി​കൃ​ത​രു​ടെ അ​നാ​സ്ഥ ; റി​വ​ര്‍​വ്യൂ റോ​ഡ് നി​ര്‍​മാ​ണ​ത്തി​ന് ഒ​ച്ചി​ഴ​യു​ന്ന വേ​ഗം
Sunday, September 22, 2024 2:19 AM IST
പാ​ലാ: വ​ര്‍​ഷ​ങ്ങ​ള്‍​ക്കു മു​മ്പ് തു​ട​ങ്ങി​യ റോ​ഡ് നി​ര്‍​മാ​ണ​ത്തി​ന് ഒ​ച്ചി​ഴ​യു​ന്ന വേ​ഗം. മീ​ന​ച്ചി​ലാ​റി​ന്‍റെ തീ​ര​ത്തു​കൂ​ടി ജ​ന​റ​ൽ ആ​ശു​പ​ത്രി ജം​ഗ്ഷ​ന്‍ മു​ത​ല്‍ കൊ​ട്ടാ​ര​മ​റ്റം വ​രെ നി​ര​വ​ധി തൂ​ണു​ക​ളി​ല്‍ പാ​ല​മാ​യി തീ​ര്‍​ക്കു​ന്ന റി​വ​ർ​വ്യൂ റോ​ഡി​ന്‍റെ നി​ര്‍​മാ​ണ പ്ര​വൃ​ത്തി​ക​ളാ​ണ് വൈ​കു​ന്ന​ത്.

ക​ഴി​ഞ്ഞ സ​ര്‍​ക്കാ​രി​ന്‍റെ കാ​ല​ത്ത് നി​ര്‍​മാ​ണോ​ദ്ഘാ​ട​നം ന​ട​ക്കു​ക​യും പി​ന്നീ​ട് വ​ര്‍​ഷ​ങ്ങ​ളു​ടെ കാ​ത്തി​രി​പ്പി​നു​ശേ​ഷം പ​ണി ആ​രം​ഭി​ക്കു​ക​യും ചെ​യ്ത​താ​ണ് പ​ദ്ധ​തി. മീ​ന​ച്ചി​ലാ​റി​ന്‍റെ തീ​ര​ത്ത് ഒ​രു കി​ലോ​മീ​റ്റ​ര്‍ ദൂ​ര​മു​ള്ള പാ​ല​മാ​ണ് പ​ണി​തീ​ര്‍​ക്കു​ന്ന​ത്. പാ​ല​ത്തി​ന്‍റെ നി​ര്‍​മാ​ണ പ്ര​വൃ​ത്തി​ക​ള്‍ ഏ​റെ​ക്കു​റെ പൂ​ര്‍​ത്തി​യാ​യെ​ങ്കി​ലും കൊ​ട്ടാ​ര​മ​റ്റ​ത്തും ജ​ന​റ​ൽ ആ​ശു​പ​ത്രി ജം​ഗ്ഷ​നു സ​മീ​പ​ത്തും അ​നു​ബ​ന്ധ റോ​ഡു​ക​ള്‍ പ​ണി​യു​ന്ന​തി​ന് ഇ​നി​യും പ്ര​വൃ​ത്തി​ക​ള്‍ തു​ട​ങ്ങി​യി​ട്ടില്ല.

പാ​ലാ വ​ലി​യ പാ​ല​ത്തി​നു സ​മീ​പം തൂ​ണു​ക​ളി​ല്‍ തീ​ര്‍​ക്കു​ന്ന പാ​ല​ത്തി​ന്‍റെ അ​വ​സാ​ന​ഘ​ട്ട നി​ര്‍​മാ​ണ​പ്ര​വൃ​ത്തി​ക​ള്‍ അ​നി​ശ്ചി​താ​വ​സ്ഥ​യി​ലാ​ണ്. ഇ​വി​ടെ സ്വ​കാ​ര്യ വ്യ​ക്തി​യു​ടെ കെ​ട്ടി​ട​മു​ള്ള സ്ഥ​ലം റ​വ​ന്യൂ ഭൂ​മി​യെ​ന്ന് ക​ണ​ക്കാ​ക്കി നി​ര്‍​മാ​ണം ന​ട​ത്തി​യ​പ്പോ​ള്‍ സ്ഥ​ല​മു​ട​മ എ​തി​ര്‍​പ്പു​മാ​യെ​ത്തി​യി​രു​ന്നു. കെ​ട്ടി​ട​ത്തി​ന്‍റെ ഉ​ള്ളി​ലേ​ക്ക് ക​യ​റി​വ​രും വി​ധ​മാ​ണ് നി​ര്‍​മാ​ണം ന​ട​ത്തി​യ​ത്. ന​ഷ്ട​പ​രി​ഹാ​രം ന​ല്‍​കി ഏ​റ്റെ​ടു​ക്കാ​തെ​യാ​ണ് നി​ര്‍​മാ​ണം ന​ട​ത്തി​യ​ത്.
സ്ഥ​ലം ഏ​റ്റെ​ടു​ത്ത​പ്പോ​ള്‍ റ​വ​ന്യു​വ​കു​പ്പ് അ​ധി​കൃ​ത​ര്‍​ക്കു​ണ്ടാ​യ പാ​ളി​ച്ച​യാ​ണ് കു​ഴ​പ്പ​ങ്ങ​ള്‍​ക്കി​ട​യാ​ക്കി​യ​ത്. ഇ​തു​മൂ​ലം ഈ ​ഭാ​ഗ​ത്ത് നി​ര്‍​മാ​ണം മു​ട​ങ്ങി​യി​രി​ക്കു​ക​യാ​ണ്. കൊ​ട്ട​ാര​മ​റ്റം ഭാ​ഗ​ത്ത് 200 മീ​റ്റ​റോ​ളം നീ​ള​ത്തി​ല്‍ അ​നു​ബ​ന്ധ റോ​ഡ് പ​ണി​ തീ​ര്‍​ക്കേ​ണ്ട​തു​ണ്ട്. തൂ​ണു​ക​ളി​ല്‍ പാ​ല​മാ​യി പ​ണി​തീ​ര്‍​ത്ത ഭാ​ഗ​ത്തും നി​ര്‍​മാ​ണ പ്ര​വൃ​ത്തി​ക​ള്‍ ഇ​നി​യും ന​ട​ക്കാ​നു​ണ്ട്.


പാ​ലാ ടൗ​ണി​ല്‍ മീ​ന​ച്ചി​ലാ​റി​ന്‍റെ തീ​രം വ​ഴി​യു​ള്ള റി​വ​ര്‍​വ്യൂ റോ​ഡ് കൊ​ട്ടാ​ര​മ​റ്റം വ​രെ നീ​ട്ടു​ന്ന​തി​നാ​ണ് പ​ദ്ധ​തി. പാ​ലാ-​ഏ​റ്റു​മാ​നൂ​ര്‍ റോ​ഡി​ന് സ​മാ​ന്ത​ര​മാ​യാ​ണ് റി​വ​ര്‍​വ്യൂ റോ​ഡ്. ളാ​ലം ജം​ഗ്ഷ​ന്‍ മു​ത​ല്‍ ജ​ന​റ​ൽ ആ​ശു​പ​ത്രി ജം​ഗ്ഷ​ന്‍ വ​രെ​യാ​ണ് നി​ല​വി​ല്‍ റോ​ഡു​ള്ള​ത്. ഇ​വി​ടെ മു​ത​ല്‍ കൊ​ട്ടാ​ര​മ​റ്റം വ​രെ റോ​ഡ് ദീ​ര്‍​ഘി​പ്പി​ക്കു​ന്ന​തോ​ടെ പാ​ലാ ടൗ​ണി​ല്‍ പൂര്‍ണ​മാ​യും ഒ​രു സ​മാ​ന്ത​ര​പാ​ത​യു​ണ്ടാ​കും.

മീ​ന​ച്ചി​ലാ​റി​ന്‍റെ തീ​ര​ത്തു​കൂ​ടി 150ല്‍​പ്പ​രം തു​ണു​ക​ള്‍ തീ​ര്‍​ത്താ​ണ് പാ​ലം.12 മീ​റ്റ​ര്‍ വീ​തി​യു​ള്ള റോ​ഡി​ല്‍ ര​ണ്ട് മീ​റ്റ​ര്‍ വീ​തി​യി​ല്‍ ന​ട​പ്പാ​ത​യു​ണ്ട്. ന​ട​പ്പാ​ത ആ​റ്റി​ലേ​ക്കു ത​ള്ളി നി​ൽ​ക്കു​ന്ന വി​ധ​ത്തി​ലാ​ണു നി​ർ​മാ​ണം. കൊ​ട്ടാ​ര​മ​റ്റ​ത്ത് നൂ​റ് അ​ടി വീ​തി​യി​ല്‍ പ്ര​വേ​ശ​ന ക​വാ​ട​വു​മു​ണ്ടാ​യി​രി​ക്കും.

റി​വ​ര്‍​വ്യൂ റോ​ഡ് പൂ​ര്‍​ത്തി​യാ​കു​ന്ന​തോ​ടെ ന​ഗ​ര​ത്തി​ലെ പ്ര​ധാ​ന ജം​ഗ്ഷ​നു​ക​ളി​ലെ ഗ​താ​ഗ​ത​ത്തി​ര​ക്ക് പൂ​ര്‍​ണ​മാ​യും നി​യ​ന്ത്രി​ക്കാ​നാ​കും. ന​ഗ​ര​ത്തി​നു​ള്ളി​ല്‍ പ്ര​വേ​ശി​ക്കാ​തെ ത​ന്നെ വാ​ഹ​ന​ങ്ങ​ള്‍​ക്കു ളാ​ലം ജം​ഗ്ഷ​നി​ല്‍​നി​ന്ന് കൊ​ട്ടാ​ര​മ​റ്റ​ത്തെ​ത്താം. ഏ​റ്റ​വു​മ​ധി​കം തി​ര​ക്ക​നു​ഭ​വ​പ്പെ​ടു​ന്ന കൊ​ട്ടാ​ര​മ​റ്റം മു​ത​ല്‍ ആ​ശു​പ​ത്രി ജം​ഗ്ഷ​ന്‍ വ​രെ​യു​ള്ള ഭാ​ഗ​ത്ത് പൂര്‍​ണ​മാ​യും വ​ണ്‍​വേ സം​വി​ധാ​ന​ത്തി​ല്‍ വാ​ഹ​ന​ങ്ങ​ള്‍ ക​ട​ത്തി​വി​ടാ​നും സാ​ധി​ക്കും.