പാലാ: ജില്ലാ പഞ്ചായത്ത് ഭരണങ്ങാനം ഡിവിഷനിലെ വിവിധ സ്ഥലങ്ങളില് ബസ് കാത്തിരിപ്പ് കേന്ദ്രങ്ങള് നിര്മിക്കുന്നതിന് 11.50 ലക്ഷം രൂപ അനുവദിച്ചതായി ജില്ലാ പഞ്ചായത്ത് മെംബര് രാജേഷ് വാളിപ്ലാക്കല്. കരൂര് പഞ്ചായത്തിലെ അന്തീനാട് അമ്പലം ജംഗ്ഷന്, കൊല്ലപ്പള്ളി എന്നിവിടങ്ങളിലും ഭരണങ്ങാനം പഞ്ചായത്തിലെ കയ്യൂരുമാണ് ബസ് കാത്തിരിപ്പ് കേന്ദ്രങ്ങള് നിര്മിക്കുന്നത്.
അന്തീനാട് അമ്പലം ജംഗ്ഷനില് നടന്ന സമ്മേളനത്തില് രാജേഷ് വാളിപ്ലാക്കല് ബസ് കാത്തിരിപ്പുകേന്ദ്രങ്ങളുടെ നിര്മാണോദ്ഘാടനം നിര്വഹിച്ചു. മുന് പഞ്ചായത്ത് മെംബര് കുര്യാച്ചന് പ്ലാത്തോട്ടം അധ്യക്ഷത വഹിച്ചു. രാമകൃഷ്ണന് മാന്തോട്ടം, ഷാജി വട്ടക്കുന്നേല്, ബാബു കാവുകാട്ട്, സന്തോഷ് വരിക്കമാക്കല്, സിജോ പ്ലാത്തോട്ടം, സുരേഷ് നീലകണ്ഠന്, മുരുകന് അന്തീനാട് തുടങ്ങിയവര് പ്രസംഗിച്ചു.