സ്വ​ന്തം ലേ​ഖ​ക​ൻ

തൃ​ശൂ​ർ: വേ​ല ആ​ഘോ​ഷ​ത്തി​നു ചെ​യ്ത​പോ​ലെ തേ​ക്കി​ൻ​കാ​ട് മൈ​താ​ന​ത്തെ വെ​ടി​ക്കോ​പ്പു​പു​ര (മാ​ഗ​സി​ൻ) കാ​ലി​യാ​ക്കി​യി​ട്ട​ശേ​ഷം തൃ​ശൂ​ർ പൂ​രം വെ​ടി​ക്കെ​ട്ട് ന​ട​ത്തു​ക​യെ​ന്ന​തു തീ​ർ​ത്തും അ​പ്രാ​യോ​ഗി​ക​മെ​ന്നു വെ​ടി​ക്കെ​ട്ട് ലൈ​സ​ൻ​സി​ക​ൾ.

വേ​ല​യ്ക്ക് 500 കി​ലോ​യോ​ളം വെ​ടി​ക്കോ​പ്പു​ക​ൾ​മാ​ത്ര​മാ​ണ് പൊ​ട്ടി​ച്ച​തെ​ന്നി​രി​ക്കെ പൂ​ര​ത്തി​നു ര​ണ്ടാ​യി​രം കി​ലോ​യോ​ളം വെ​ടി​ക്കെ​ട്ടു​സാ​മ​ഗ്രി​ക​ളാ​ണ് പൊ​ട്ടി​ക്കാ​നു​ള്ള​ത്. ഇ​വ സൂ​ക്ഷി​ക്കാ​ൻ ഏ​റ്റ​വും സു​ര​ക്ഷി​തം ര​ണ്ടു ദേ​വ​സ്വ​ങ്ങ​ളു​ടേ​യും ഇ​പ്പോ​ഴ​ത്തെ മാ​ഗ​സി​നു​ക​ൾ​ത​ന്നെ​യാ​ണ്. വെ​ടി​ക്കോ​പ്പു​ക​ൾ വേ​റെ​യെ​വി​ടെ​യെ​ങ്കി​ലും സൂ​ക്ഷി​ക്കു​ക​യെ​ന്ന​ത് എ​ളു​പ്പ​മു​ള്ള കാ​ര്യ​മ​ല്ല. വേ​റെ എ​വി​ടെ​യാ​ണു സൂ​ക്ഷി​ക്കു​ക​യെ​ന്ന​തി​നും വ്യ​ക്ത​മാ​യ ഉ​ത്ത​ര​മി​ല്ല.

ദൂ​രെ​യെ​വി​ടെ​യെ​ങ്കി​ലും സൂ​ക്ഷി​ച്ചാ​ൽ​ത​ന്നെ വെ​ടി​ക്കോ​പ്പു​ക​ൾ ആ​ൾ​ക്കൂ​ട്ട​ത്തി​നി​ട​യി​ലൂ​ടെ വെ​ടി​ക്കെ​ട്ടു ന​ട​ക്കു​ന്ന സ്ഥ​ല​ത്തേ​ക്ക് എ​ത്തി​ക്കു​ക​യെ​ന്ന ദൗ​ത്യ​വും വ​ലി​യ വെ​ല്ലു​വി​ളി​യാ​ണ്.

മാ​ഗ​സി​നും വെ​ടി​ക്കെ​ട്ടു ന​ട​ത്തു​ന്ന ഫ​യ​ർ​ലൈ​നും ത​മ്മി​ൽ 200 മീ​റ്റ​ർ അ​ക​ലം വേ​ണ​മെ​ന്ന എ​ക്സ്പ്ലോ​സീ​വ്സ് വ​കു​പ്പി​ന്‍റെ പു​തി​യ നി​യ​മ​ഭേ​ദ​ഗ​തി​യാ​ണ് ഇ​പ്പോ​ൾ പൂ​രം വെ​ടി​ക്കെ​ട്ടി​നു പ്ര​തി​സ​ന്ധി സൃ​ഷ്ടി​ച്ചി​ട്ടു​ള്ള​ത്. തേ​ക്കി​ൻ​കാ​ട് മൈ​താ​ന​ത്തെ മാ​ഗ​സി​നു​ക​ളും ഫ​യ​ർ​ലൈ​നും ത​മ്മി​ൽ 200 മീ​റ്റ​ർ അ​ക​ല​മി​ല്ല. അ​തു​കൊ​ണ്ടു​ത​ന്നെ അ​ക​ലം സം​ബ​ന്ധി​ച്ച് ഇ​ള​വു​ല​ഭി​ച്ചാ​ൽ​മാ​ത്ര​മേ മാ​ഗ​സി​നു​ക​ളി​ൽ വെ​ടി​ക്കോ​പ്പു​ക​ൾ സൂ​ക്ഷി​ച്ചു​വ​യ്ക്കാ​നും പ​ഴ​യ​പോ​ലെ വെ​ടി​ക്കെ​ട്ട് ന​ട​ത്താ​നും സാ​ധി​ക്കൂ.

അ​തി​നി​ടെ വെ​ടി​ക്കെ​ട്ട് അ​നു​മ​തി​യു​ടെ കാ​ര്യ​ത്തി​ൽ ജി​ല്ലാ ഭ​ര​ണ​കൂ​ടം നി​യ​മോ​പ​ദേ​ശം തേ​ടാ​നൊ​രു​ങ്ങു​ക​യാ​ണ്. വേ​ല വെ​ടി​ക്കെ​ട്ടി​നു ഹൈ​ക്കോ​ട​തി അ​നു​മ​തി​ന​ൽ​കി​യ സാ​ഹ​ച​ര്യ​ത്തി​ൽ പൂ​രം വെ​ടി​ക്കെ​ട്ടി​ന് അ​നു​മ​തി​നേ​ടാ​ൻ ക​ഴി​യു​മോ​യെ​ന്നാ​ണ് നി​യ​മോ​പ​ദേ​ശം തേ​ടു​ന്ന​ത്.