ചാ​ല​ക്കു​ടി: ശാ​രി​രി​ക അ​സ്വാ​സ്ഥ്യം മൂ​ലം ത​ള​ർ​ന്നു​വീ​ണ അ​ഭി​ലാ​ഷി ന് ന​ഗ​ര​സ​ഭ​യു​ടെ കൈത്താ ങ്ങ്.​ ന​ട​ന്നും പി​ന്നീ​ട് ഒ​രി​ട​ത്ത് ഇ​രു​ന്നും ലോ​ ട്ട​റി ക​ച്ച​വ​ടം ന​ട​ത്തി​യി​രു​ന്ന വി.​ആ​ർ.പു​രം സ്വ​ദേ​ശി തെ​ക്കേ​ട​ത്ത് അ​ഭി​ലാ​ഷ് (44) ഒ​രു വ​ർ​ഷംമു​മ്പ് വീ​ണ​തി​നെ ത്തുട​ർ​ന്ന് വീ​ട്ടി​ൽനി​ന്നും പു​റ​ത്തി​റ​ങ്ങാ​ൻ ക​ഴി​യാ​തെ​യാ​യി​രു​ന്നു. പു​റ​ത്തി​റ​ങ്ങാ​ൻ ഒ​രു മോ​ട്ടോ​ർ ഘ​ടി​പ്പി​ച്ച വീ​ൽ​ചെ​യ​ർ ല​ഭി​ച്ചാ​ൽ വീ​ണ്ടും ലോ​ട്ട​റിക്ക​ച്ച​വ​ടം ന​ട​ത്തി ജീ​വി​ക്കാ​മെ​ന്ന് ആ​ഗ്ര​ഹി​ച്ചി​രി​ക്ക​യാ​യി​രു​ന്നു.

ന​ഗ​ര​സ​ഭ​യി​ലെ വി.​ആ​ർ. പു​രം 33-ാം വാ​ർ​ഡി​ൽ അ​തി​ദ​രി​ദ്ര വി​ഭാ​ഗ​ത്തി​ൽ‌പെ​ട്ട കു​ടും​ബ​മാ​ണ് അ​ഭി​ലാ​ഷി​ന്‍റേത്. പ​ട്ടി​ക​ജാ​തി​ക്കാ​ര​നാ​യ അ​ഭി​ലാ​ഷി​ന്‍റെ യൊപ്പം വി​ധ​വ​യാ​യ അ​മ്മ മാ​ത്ര​മേ ഉ​ള്ളൂ. ന​ഗ​ര​സ​ഭ​യു​ടെ അ​തി​ദാ​രി​ദ്ര്യ ഉ​ജ്ജീ​വ​നം പ​ദ്ധ​തി​യി​ൽ ഉ​ൾ​പ്പെ​ടു​ത്തി കു​ടും​ബ​ശ്രീ വ​ഴി ല​ഭി​ച്ച ഫ​ണ്ട് ഉ​പ​യോ​ഗി​ച്ച്, മോ​ട്ടോ​ർ ഘ​ടി​പ്പി​ച്ച ഒ​രു വീ​ൽ ചെ​യ​ർ ന​ൽ​കാ​ൻ വ​ഴി​യൊ​രു​ങ്ങി​യ​താ​ണ് അ​ഭി​ലാ​ഷി​ന്‍റെ ഏ​റെ നാ​ള​ത്തെ അ​ഭി​ലാ​ഷം പൂ​വ​ണി ഞ്ഞ​ത്. 44,000 രൂ​പ പ​ദ്ധ​തി വ​ഴി കു​ടും​ബ​ശ്രീ ഫ​ണ്ട് അ​നു​വ​ദി​ച്ചു. 55,000 രൂ​പ വീ​ൽ​ചെ​യർ വാ​ങ്ങാ​ൻ വേ​ണം. ഇ​ത​റി​ഞ്ഞ ഉ​ട​ൻ അ​വി​ടേ​യും എ​ത്തി സ​ഹാ​യ​ഹ​സ്തം.

ന​ഗ​ര​സ​ഭ കൗ​ൺ​സി​ല​ർ ജോ​ർ​ജ്ജ് തോ​മാ​സ് ഉ​ള്ളാ​ട്ടി​കു​ള​ത്തി​ൻ്റെ നേ​തൃ​ത്വ​ത്തി​ൽ ബാ​ക്കി തു​ക സു​മ​ന​സു​ക​ളു​ടെ സ​ഹാ​യ​ത്തി​ൽ സം​ഘ​ടി​പ്പി​ച്ചു ന​ൽ​കി.​ തൃ​ശൂ​രി​ലെ സ്ഥാ​പ​ന​ത്തി​ൽ നി​ന്നും വീ​ൽ​ചെ​യ​ർ എ​ത്തി​ച്ചു. ന​ഗ​ര​സ​ഭ ബ​ജ​റ്റ് അ​വ​ത​ര​ണ ദി​വ​സ​ത്തി​ൽ ത​ന്നെ വാ​ർ​ഡ് കൗ​ൺ​സി​ല​ർ കൂ​ടി​യാ​യ ചെ​യ​ർ​മാ​ൻ ഷി​ബു വാ​ല​പ്പ​ൻ അ​ഭി​ലാ​ഷി​ന് വീ​ൽ​ചെ​യ​ർ കൈ​മാ​റി. ഏ​റെ നാ​ളു​ക​ളാ​യി കാ​ര്യ​മാ​യി പു​റം​ലോ​കം കാ​ണാ​തി​രു​ന്ന അ​ഭി​ലാ​ഷ് അ​ടു​ത്ത ദി​വ​സം മു​ത​ൽ വി.​ആ​ർ. പു​രം ജം​ഗ്ഷ​നി​ൽ ലോ​ട്ട​റി​യു​മാ​യി എ​ത്തും. വി​ൽ​പ്പ​ന​യ് ക്കു​ള്ള ലോ​ട്ട​റി എ​ടു​ത്ത് ന​ൽ​കാ​നു​ള്ള സ​ഹാ​യ​വും ന​ൽ​കു​മെ​ന്ന് കൗ​ൺ​സി​ലർമാ​ർ അ​റി​യി​ച്ചു.

വീ​ൽ​ചെ​യ​ർ വി​ത​ര​ണച്ചട​ങ്ങി​ൽ കൗ​ൺ​സി​ല​ർ​മാ​രാ​യ ആ​ലീ​സ് ഷി​ബു, ദി​പു ദി​നേ​ശ്, ജോ​ർ​ജ് തോ​മാ​സ്, പ്രീ​തി ബാ​ബു, ആ​നി പോ​ൾ, വി.​ജെ. ജോ​ജി, തോ ​മാ​സ് മാ​ളി​യേ​ക്ക​ൽ, സെ​ക്ര​ട്ട​റി കെ. ​പ്ര​മോ​ദ്, സി​ഡി​എ​സ് ചെ​യ​ർ​പേ​ഴ്സ​ൺ സു​ബി ഷാ​ജി, വൈ​സ് ചെ​യ​ർ പേ​ഴ്സ​ൺ ജോ​മോ​ൾ ബാ​ബു, മെ​മ്പ​ർ സെ​ക്ര​ട്ട​റി എ.​കെ. ദി​പ്തി തു​ട​ങ്ങി​യ​വ​ർ പ​ങ്കെ​ടു​ത്തു.