പു​ന്ന​യൂ​ർ​ക്കു​ളം: തീ​ര​ദേ​ശ​ത്തി​നു സു​ഗ​ന്ധ​മേ​കി രാ​മ​ച്ചം വി​ള​വെ​ടു​പ്പ് ആ​രം​ഭി​ച്ചു. ഇ​നി നാ​ടി​ന്‍റെ സൗ​ര​ഭ്യ​മാ​കും. കാ​ലം​തെ​റ്റി​യ മ​ഴ​യെ തു​ട​ർ​ന്ന് വൈ​കി​യാ​ണ് ഈ​വ​ർ​ഷം രാ​മ​ച്ചം വി​ള​വെ​ടു​പ്പ്തു​ട​ങ്ങി​യ​ത്.

രാ​മ​ച്ച​ത്തി​നു ഇ​പ്പോ​ൾ കി​ലോ​ഗ്രാ​മി​ന് 85 രൂ​പ​യാ​ണ് വി​ല. തീ​ര​ദേ​ശ​മേ​ഖ​ല​യി​ലെ കാ​പ്പി​രി​ക്കാ​ട് മു​ത​ൽ എ​ട​ക്ക​ഴി​യൂ​ർ​വ​രെ​യു​ള്ള ഏ​ക്ക​ർ​ക​ണ​ക്കി​ന് രാ​മ​ച്ച​പ്പാ​ട​ത്ത് വി​ള​വെ​ടു​പ്പി​ന്‍റെ തി​ര​ക്കാ​ണ്. രാ​മ​ച്ചം വി​പ​ണ​ന​ത്തി​ന് സ​ർ​ക്കാ​ർ​ത​ല​ത്തി​ൽ സം​വി​ധാ​ന​മി​ല്ലാ​ത്ത​തി​നാ​ൽ ക​ർ​ഷ​ക​ർ​ക്ക് ന്യാ​യ​മാ​യ വി​ല ല​ഭി​ക്കു​ന്നി​ല്ലെ​ന്ന് പ​രാ​തി​യു​ണ്ട്. ഇ​ട​ത്ത​ട്ടു​കാ​ർ ലാ​ഭം കൊ​യ്യു​ക്കു​ക​യാ​ണെ​ന്ന് ക​ർ​ഷ​ക​ർ പ​റ​യു​ന്നു. ചാ​വ​ക്കാ​ട് മേ​ഖ​ല​യി​ലെ പ​ഞ്ചാ​ര​മ​ണ​ലി​ൽ കൃ​ഷി ചെ​യ്യു​ന്ന രാ​മ​ച്ച​ത്തി​ന് പു​റം​നാ​ടു​ക​ളി​ൽ ന​ല്ല ഡി​മാ​ന്‌​ഡാ​ണ്.

കൃ​ഷി​യി​ട​ത്തി​ൽ​നി​ന്നു​ത​ന്നെ 50 കി​ലോ​യുടെ കെ​ട്ടു​ക​ളാ​ക്കി ക​യ​റ്റി​വി​ടു​ക​യാ​ണ്. പ​ല​ക​ർ​ഷ​ക​രും പാ​ട്ട​ത്തി​ന് സ്ഥ​ല​മെ​ടു​ത്താ​ണ് കൃ​ഷി ഇ​റ​ക്കു​ന്ന​ത്. പാ​ട്ട​ക്കാ​ശ്, കൃ​ഷി​ച്ചെ​ല​വ്, വേ​രു​ക​ൾ​പൊ​ട്ടാ​തെ പ​റി​ക്കാ​നു​ള​ള അ​ധ്വാ​നം, പ്ര​കൃ​തി​ക്ഷോ​ഭ​ത്തി​ലെ ന​ഷ്ടം ഇ​തെ​ല്ലാം ത​ര​ണം​ചെ​യ്തു​വേ​ണം മു​ട​ക്കു​മു​ത​ൽ തി​രി​ച്ചു​പി​ടി​ക്കാ​ൻ. അ​പ്ര​തീ​ക്ഷി​ത​മാ​യി ക​ന​ത്ത മ​ഴ പെ​യ്താ​ൽ രാ​മ​ച്ച വേ​ര് ചീ​യും. പി​ന്നെ സൗ​ര​ഭ്യം മാ​യും.