ഇരിങ്ങാലക്കുട: ഇരിങ്ങാലക്കുട ക്രൈസ്റ്റ് കോളജിലെ പൂര്‍വ വിദ്യാര്‍ഥിയായ ടി.എം. രാമചന്ദ്രന്‍ അന്താരാഷ്ട്ര പുരസ്‌കാരത്തിന് അര്‍ഹനായി. ഗണിതശാസ്ത്ര ലോകത്തിന് പ്രത്യേകിച്ച് വേദിക് മാത്തമാറ്റിക്‌സിന്റെ ശാഖയില്‍ അദ്ദേഹം നല്‍കിയ സംഭാവനകൾ കണക്കിലെടുത്താണ് യൂണിവേഴ്‌സല്‍ റെക്കോര്‍ഡ് ബുക്ക്‌സ് (യുആര്‍ബി) അന്താരാഷ്ട്ര പുരസ്‌കാരം- ബെസ്റ്റ് മാത്തമാറ്റിഷന്‍ ഓഫ് ദ ഇയര്‍ 2024 ഇദ്ദേഹത്തിന് നല്‍കിയത്. ഇന്‍റര്‍നാഷണല്‍ ജൂറി ഓഫ് യൂണിവേഴ്‌സല്‍ റെക്കോര്‍ഡ് ഫോറം സിഇഒ ഗിന്നസ് സുനില്‍ ജോസഫില്‍നിന്ന് അദ്ദേഹം പുരസ്‌കാരം ഏറ്റുവാങ്ങി.