പോള്‍ ടി. ജോണ്‍ തട്ടില്‍ വോളി ടൂര്‍ണമെന്‍റ്്: സെന്‍റ്് ജോസഫ്‌സ് ജേതാക്കള്‍
1460251
Thursday, October 10, 2024 8:21 AM IST
ഇരിങ്ങാലക്കുട: ഇരിങ്ങാലക്കുട സെന്‍റ്് ജോസഫ്‌സ് കോളജിന്‍റെ നേതൃത്വത്തില്‍ നടത്തിയ പോള്‍ ടി. ജോണ്‍ തട്ടില്‍ മെമ്മോറിയല്‍ അഖില കേരള ഇന്‍റര്‍ കൊളീജിയറ്റ് വനിതാ വോളിബോള്‍ ടൂര്‍ണമെന്‍റിൽ ഇരിങ്ങാലക്കുട സെന്‍റ് ജോസഫ്‌സ് കോളജ് ചാമ്പ്യന്മാരായി. ടൂര്‍ണമെന്‍റിലെ ഫൈനലില്‍ സെന്‍റ്് ജോസഫ്‌സ് കോളജ്, പാലാ അല്‍ഫോന്‍സാ കോളജിനെ നേരിട്ടുള്ള മൂന്നു സെറ്റുകള്‍ക്ക് തോല്‍പ്പിച്ചാണ് ചാമ്പ്യന്മാരായത്.
സമ്മാനദാനം കാലിക്കട്ട് യൂണിവേഴ്‌സിറ്റി സിന്‍ഡിക്കേറ്റ് മെമ്പര്‍ ഡോ. കെ. പ്രദീപ് കുമാര്‍ നിര്‍വഹിച്ചു. കോളജ് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി അധ്യക്ഷത വഹിച്ചു. കായിക വിഭാഗം മേധാവി ഡോ. സ്റ്റാലിന്‍ റാഫേല്‍, കായികാധ്യാപിക തുഷാര ഫിലിപ്, റോസിലി പോള്‍, കായികാധ്യാപകന്‍ എന്‍.എസ്. വിഷ്ണു എന്നിവര്‍ സംസാരിച്ചു.