ഈ ​പൊ​ന്ത​ക്കാ​ടി​നു​ള്ളി​ലു​ണ്ട് ഒ​രു മ​ര​ണ​ക്കു​ഴി
Friday, August 23, 2024 1:29 AM IST
ഇ​രി​ങ്ങാ​ല​ക്കു​ട: ഠാ​ണാ-​കാ​ട്ടൂ​ര്‍ ബൈ​പാ​സ് റോ​ഡരി​കി​ലെ കു​ഴി​യി​ല്‍ വീ​ണ് സ്‌​കൂ​ട്ട​ര്‍യാ​ത്രി​ക​രാ​യ അ​ധ്യാ​പി​ക​യാ​യ യു​വ​തി​ക്കും കു​ഞ്ഞി​നും പ​രി​ക്കേ​റ്റു.

ക​ഴി​ഞ്ഞ​ദി​വ​സം വൈകീട്ട് നാ​ലു​മ​ണി​യോ​ടെ​യാ​ണ് സം​ഭ​വം. സ്‌​കൂ​ട്ട​റി​ല്‍ സ​ഞ്ച​രി​ച്ചി​രു​ന്ന ഇ​വ​രുടെ ശ്ര​ദ്ധ​യി​ല്‍​ റോ​ഡ​രി​കി​ല്‍ പു​ല്ലു​മൂ​ടി​ക്കിട​ക്കു​ന്ന കു​ഴി പെ ട്ടി​ല്ല. റോ​ഡി​ന​ടി​യി​ലൂ​ടെ വെ​ള്ളം ഒ​ഴു​കി പോ​കു​ന്ന​തി​നാ​യി നി​ര്‍​മി​ച്ച തോ​ട്ടി​ലേ​ക്കാ​ണ് ഇ​വ​ര്‍ വീ​ണ​ത്. തോ​ടി​ന്‍റെ ക​ലു​ങ്ക് പ​ണ്ടേ ത​ക​ര്‍​ന്നുപോ​യ​താ​ണ്. അ​ഞ്ച​ടി താ​ഴ്ച​യി​ലേ​ക്കു​ള്ള തോ​ട്ടി​ലേ​ക്കുവീ​ണ യു​വ​തി​യും കു​ഞ്ഞും അ​ദ്​ഭു​ത​ക​ര​മാ​യാ​ണ് ര​ക്ഷ​പ്പെ​ട്ട​ത്. വ​ഴി​യാ​ത്ര​ക്കാ​രാ​ണ് ഇ​വ​രെ ര​ക്ഷ​പ്പെ​ടു​ത്തി​യ​ത്.

കു​റ​ച്ചുനാ​ള്‍ മു​മ്പ് രാ​ത്രി ജോ​ലിക​ഴി​ഞ്ഞ് വീ​ട്ടി​ലേ​ക്ക് പോ​വു​ക​യാ​യി​രു​ന്ന കൊ​രു​മ്പു​ശേ​രി സ്വ​ദേ​ശി ഐ​നി​ക്ക​ല്‍ മ​ഹേ​ഷി​ന് (45) പ​രിക്കേ​റ്റി​രു​ന്നു. തോ​ളെ​ല്ലും വാ​രി​യെ​ല്ലും ഒ​ടി​ഞ്ഞ് ആ​ന്ത​രി​ക അ​വ​യ​വ​ങ്ങ​ള്‍​ക്കും പ​രിക്കേ​റ്റ് തൃ​ശൂ​ര്‍ സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യി​ലാ​യി​രു​ന്നു. റോ​ഡി​ലെ നി​ര്‍​മാ​ണ​ത്തി​ലെ അ​പാ​ക​ത പ​ല​പ്പോ​ഴും അ​പ​ക​ടം ക്ഷ​ണി​ച്ചു വ​രു​ത്തു​ന്ന​താ​ണ്.

2021 ല്‍ 34 ​ല​ക്ഷം രൂ​പ ചെ​ല​വ​ഴി​ച്ച് ന​വീ​ക​രി​ച്ച റോ​ഡി​ല്‍ പ​ല​യി​ട​ത്തും കു​ഴി​ക​ളാ​ണ്. മ​ഴ പെ​യ്താ​ല്‍ റോ​ഡി​ലെ കു​ഴി​യു​ടെ ആ​ഴം അ​റി​യാ​തെ പ​ല വാ​ഹ​ന​ങ്ങ​ളും അ​പ​ക​ട​ത്തി​ല്‍​പ്പ​ടു​ന്ന​ത് പ​തി​വാ​ണ്. റോ​ഡ് നി​ര്‍​മാ​ണം പൂ​ര്‍​ത്തീ​ക​രി​ച്ച് 10 വ​ര്‍​ഷം പി​ന്നി​ട്ടി​ട്ടും ഇ​രു​വ​ശ​ങ്ങ​ളി​ലും കാ​ന നി​ര്‍​മി​ക്കു​ക​യോ, ന​ട​പ്പാ​ത​ക​ള്‍ ഒ​രു​ക്കു​ക​യോ ചെ​യ്തി​ട്ടി​ല്ല. ന​ഗ​ര​സ​ഭ ഇ​വി​ടെ സ്ഥാ​പി​ച്ചി​രു​ന്ന സോ​ള​ാര്‍ വ​ഴി​വി​ള​ക്കു​ക​ള്‍ സാ​മൂ​ഹി​ക​വി​രു​ദ്ധ​ര്‍ മോ​ഷ്ടി​ച്ചു. പി​ന്നീ​ട് സ്ഥാ​പി​ച്ച വ​ഴിവി​ള​ക്കു​ക​ള്‍ പേ​രി​ന് മാ​ത്രം പ്ര​കാ​ശി​ക്കു​ന്ന​തി​നാ​ല്‍ പ​ല ഭാ​ഗ​ങ്ങ​ളും രാ​ത്രി​യി​ല്‍ ഇ​രു​ട്ടി​ലാ​ണ്. ഇ​തോ​ടെ ക​ക്കൂ​സ് മാ​ലി​ന്യം ഉ​ള്‍​പ്പ​ടെ ഇ​വി​ടെ ത​ള്ളു​ന്ന​തും പ​തി​വാ​ണ്.


ബൈ​പാ​സ് ആ​രം​ഭി​ക്കു​ന്ന തൃ​ശൂ​ര്‍ റോ​ഡ് മു​ത​ല്‍ ആ​ദ്യ ജം​ഗ്ഷ​ന്‍ വ​രെ​യു​ള്ള ഒ​രു വ​ശ​ത്ത് കാ​ന നി​ര്‍​മി​ച്ച് ഇ​തി​നു മു​ക​ളി​ല്‍ ടൈ​ല്‍ വി​രി​ച്ച് ന​ട​പ്പാ​ത ഒ​രു​ക്കി​യെ​ങ്കി​ലും കാ​ന​യു​ടെ ഉ​യ​രവ്യ​ത്യാ​സം റോ​ഡി​ലെ വെ​ള്ള​ക്കെ​ട്ടി​ന് കാ​ര​ണ​മാ​കു​ന്നു​ണ്ട്.

ഗ​താ​ഗ​ത​ക്കു​രു​ക്ക് രൂ​ക്ഷ​മാ​യ ഠാ​ണാ ബ​സ് സ്റ്റാ​ന്‍​ഡ് റോ​ഡി​ലെ തി​ര​ക്കി​ല്‍​പ്പെ​ടാ​ത കാ​ട്ടൂ​ര്‍, ചെ​മ്മ​ണ്ട, കി​ഴു​ത്താ​ണി, പൊ​റ​ത്തി​ശേ​രി ഭാ​ഗ​ങ്ങ​ളി​ലേ​ക്ക് എ​ളു​പ്പ​മെ​ത്താ​ന്‍ വാ​ഹ​ന യാ​ത്രി​ക​ര്‍ ആ​ശ്ര​യി​ക്കു​ന്ന ബൈ​പാ​സ് റോ​ഡി​ലെ അ​പാ​ക​ത​ക​ള്‍ പ​രി​ഹ​രി​ക്ക​ണ​മെ​ന്ന് നാ​ട്ടു​ക്കാ​ര്‍ ആ​വ​ശ്യ​പ്പെ​ട്ടു.