ഗു​ഡ്സ് വാ​നും പി​ക്ക​പ്പ് വാ​നും കൂ​ട്ടി​യി​ടി​ച്ച് നാ​ലുപേ​ർ​ക്കു പ​രി​ക്ക്
Friday, August 23, 2024 1:29 AM IST
ചേ​റ്റു​വ: ദേ​ശീ​യ​പാ​ത 66 ചേ​റ്റു​വ പാ​ല​ത്തി​നു മു​ക​ളി​ൽ ഗു​ഡ്സ് വാ​നും പി​ക്ക​പ്പ് വാ​നും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ നാ​ലു പേ​ർ​ക്ക് പ​രി​ക്ക്.

ഇ​ന്ന​ലെ പു​ല​ർ​ച്ചെ അ​ഞ്ചോ​ടെ​യാ​ണ് അ​പ​ക​ടം. ഇ​ടി​യു​ടെ ആ​ഘാ​ത​ത്തി​ൽ ഇ​രു​വാ​ഹ​ന​ത്തി​ന്‍റെ​യും മു​ൻ​ഭാ​ഗം ഭാ​ഗി​ക​മാ​യി ത​ക​ർ​ന്നു. ക​ർ​ണാ​ട​ക ബെ​ല്ലാ​രി​യി​ൽ​നി​ന്ന് മു​ള​കു​മാ​യി മ​ട്ടാ​ഞ്ചേ​രി​യി​ലേ​ക്കു​വ​ന്ന പി​ക്ക​പ്പ് വാ​നും സ്വ​കാ​ര്യ കൊ​റി​യ​ർ ക​മ്പ​നി​ക്കു​വേ​ണ്ടി സ​ർ​വീ​സ് ന​ട​ത്തു​ന്ന ഗു​ഡ്സ് വാ​നു​മാ​ണ് കൂ​ട്ടി​യി​ടി​ച്ച​ത്.

പി​ക്ക​പ്പ്‌​വാ​ൻ ഡ്രൈ​വ​ർ ക​ർ​ണാ​ട​ക സ്വ​ദേ​ശി മു​ഹി​യ​ദ്ധീ​ൻ, ഗു​ഡ്സ് വാ​ഹ​ന ഡ്രൈ​വ​ർ ന​ടു​വ​ന്നൂ​ർ സ്വ​ദേ​ശി ഷെ​ഫീ​ക്ക്, വ​യ​നാ​ട് സ്വ​ദേ​ശി റോ​ബി​ൻ, ചാ​ല​ക്കു​ടി സ്വ​ദേ​ശി വി​നീ​ഷ് എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. വാ​ഹ​ന​ത്തി​നു​ള്ളി​ൽ കു​ടു​ങ്ങി​യ പി​ക്ക​പ്പ് വാ​ൻ ഡ്രൈ​വ​ർ മു​ഹി​യ​ദീ​നെ വാ​ഹ​നം വെ​ട്ടി​പ്പൊ​ളി​ച്ചാ​ണ് പു​റ​ത്തെ​ടു​ത്ത​ത്. ഇ​യാ​ളു​ടെ കാ​ലി​ന് സാ​ര​മാ​യ പ​രി​ക്കു​ണ്ട്. അ​പ​ക​ട​ത്തെ​ത്തു​ട​ർ​ന്ന് ദേ​ശീ​യ​പാ​ത​യി​ൽ ഏ​റെ​നേ​രം ഗ​താ​ഗ​തം ത​ട​സ​പ്പെ​ട്ടു.


പി​ന്നീ​ട് പോ​ലീ​സ് ക്രെ​യി​ൻ എ​ത്തി​ച്ച് വാ​ഹ​ന​ങ്ങ​ൾ നീ​ക്കം ചെ​യ്താ​ണ് ഗ​താ​ഗ​തം പു​നഃ​സ്ഥാ​പി​ച്ച​ത്. ഗു​രു​വാ​യൂ​ര്‌ ഫ​യ​ര്‌ സ്റ്റേ​ഷ​ന്‌ അ​സി. സ്റ്റേ​ഷ​ന്‌ ഓ​ഫീ​സ​ര്‌ എ​സ്. ബി​ജു​വി​ന്‍റെ നേ​തൃ​ത്വ​ത്തി​ലു​ള്ള ഉ​ദ്യോ​ഗ​സ്ഥ​ര്‌ ര​ക്ഷാ​പ്ര​വ​ര്‌​ത്ത​നം ന​ട​ത്തി