രാ​ഗം തി​യേ​റ്റ​റി​ന് ഇ​ന്ന് 50
Friday, August 23, 2024 1:28 AM IST
സ്വ​ന്തം ലേ​ഖ​ക​ൻ
തൃ​ശൂ​ർ: വെ​ള്ളി​ത്തി​ര​യോ​ടു​ള്ള തൃ​ശൂ​രി​ന്‍റെ അ​നു​"രാ​ഗം' ഊ​ട്ടി​യു​റ​പ്പി​ച്ച രാ​ഗം തി​യേ​റ്റ​റി​ന് ഇ​ന്ന് അ​ന്പ​താം​പി​റ​ന്നാ​ൾ. സി​നി​മാ​സ്കോ​പ്പ്, 70 എം​എം, ത്രി​ഡി, 4കെ ​എ​ന്നി​ങ്ങ​നെ പ​രീ​ക്ഷ​ണ​ങ്ങ​ളി​ലൂ​ടെ സി​നി​മ സ​ഞ്ച​രി​ച്ച​പ്പോ​ഴെ​ല്ലാം റോ​ബോ​യി​ലെ പാ​ട്ടി​ന്‍റെ താ​ള​ത്തി​നൊ​പ്പം ഉ​യ​രു​ന്ന ചു​വ​ന്ന ക​ർ​ട്ട​നു പി​ന്നി​ലെ ആ ​തി​ര​ശീ​ല​യും അ​ത്യാ​ധു​നി​ക​മാ​യി.
കേ​ര​ള​ത്തി​ലെ മി​ക​ച്ച പ​ത്തു തി​യേ​റ്റ​റു​ക​ളു​ടെ പ​ട്ടി​ക​യി​ൽ എ​ക്കാ​ല​ത്തും തൃ​ശൂ​ർ രാ​ഗ​മു​ണ്ട്. കാ​ഴ്ച​കൊ​ണ്ടും ശ​ബ്ദം​കൊ​ണ്ടും പ്രേ​ക്ഷ​ക​രെ വി​സ്മ​യി​പ്പി​ക്കു​ന്ന സ​ജ്ജീ​ക​ര​ണ​ങ്ങ​ൾ. പ​ല ത​ല​മു​റ കൈ​മാ​റി​വ​ന്ന​പ്പോ​ഴും രാ​ഗ​ത്തി​ന്‍റെ ത​ല​യെ​ടു​പ്പി​ൽ തെ​ല്ലു​മി​ല്ല ഇ​ടി​വ്.
1974ൽ ​കെ.​ജെ. ഫ്രാ​ൻ​സി​സാ​ ണ് രാ​ഗം തി​യേ​റ്റ​ർ ആ​രം​ഭി​ച്ച​ത്. കേ​ര​ള​ത്തി​ലെ തി​യേ​റ്റ​റു​ക​ൾ ഓ​ല​പ്പു​ര​യി​ൽ​നി​ന്ന് ആ​സ്ബ​സ്റ്റോ​സി​ലേ​ക്കു മാ​റി​യ​പ്പോ​ൾ വ​ന്പ​ൻ​കെ​ട്ടി​ട​മാ​യാ​ണ് രാ​ഗം തു​റ​ന്ന​ത്. 80,000 ച​തു​ര​ശ്ര​അ​ടി വ​ലി​പ്പ​ത്തി​ൽ ര​ണ്ടാം​നി​ല​യി​ലേ​ക്കു റാ​ന്പും ചു​വ​പ്പു​പ​ര​വ​താ​നി​യും 1120 സീ​റ്റു​ക​ളു​മാ​യി ഏ​വ​രെ​യും തി​യേ​റ്റ​ർ അ​ന്പ​ര​പ്പി​ച്ചു. മ​ക​ൻ ജോ​സ് കി​ണ​റ്റി​ങ്ക​ൽ പ​ല രാ​ജ്യ​ങ്ങ​ൾ സ​ഞ്ച​രി​ച്ചാ​ണു തി​യേ​റ്റ​ർ രൂ​പ​ക​ല്പ​ന ക​ണ്ടെ​ത്തി​യ​ത്. ഇം​ഗ്ലീ​ഷ് ഗാ​ന​ത്തി​ന്‍റെ അ​ക​ന്പ​ടി​യി​ൽ ക​ർ​ട്ട​ൻ ഉ​യ​ർ​ത്തു​ന്ന പ​തി​വും രാ​ഗ​ത്തി​ലാ​ണു തു​ട​ങ്ങി​യ​ത്. രാ​മു കാ​ര്യാ​ട്ടി​ന്‍റെ നെ​ല്ല് ആ​യി​രു​ന്നു ആ​ദ്യം പ്ര​ദ​ർ​ശി​പ്പി​ച്ച സി​നി​മ. സി​നി​മ​യു​ടെ അ​ന്പ​താംദി​വ​സ​ത്തെ വി​ജ​യാ​ഘോ​ഷ​ത്തി​നു പ്രേം​ന​സീ​ർ, ജ​യ​ഭാ​ര​തി, അ​ടൂ​ർ ഭാ​സി, ശ​ങ്ക​രാ​ടി, രാ​മു കാ​ര്യാ​ട്ട് തു​ട​ങ്ങി​യ പ്ര​മു​ഖ​രെ​ത്തി​യി​രു​ന്നു.

ജോ​ർ​ജ് നേ​രേ​പ്പ​റ​ന്പി​ൽ തി​യേ​റ്റ​ർ വാ​ങ്ങി​യ​പ്പോ​ൾ രാ​ഗ​ത്തി​ന്‍റെ പേ​ര് ജോ​ർ​ജേ​ട്ട​ൻ​സ് രാ​ഗം എ​ന്നാ​ക്കി. 2015 ഫെ​ബ്രു​വ​രി എ​ട്ടി​നു തി​യേ​റ്റ​ർ നി​ല​നി​ർ​ത്തി പു​തി​യ വ്യ​വ​സാ​യ​സ​മു​ച്ച​യം നി​ർ​മി​ക്കാ​ൻ തി​യേ​റ്റ​ർ അ​ട​ച്ചു. 2018 ഒ​ക്ടോ​ബ​ർ പ​ത്തി​നു കാ​യം​കു​ളം കൊ​ച്ചു​ണ്ണി​യു​ടെ പ്ര​ദ​ർ​ശ​ന​വു​മാ​യി വ​ന്പ​ൻ ന​വീ​ക​ര​ണ​ത്തോ​ടെ രാ​ഗം തു​റ​ന്നു. സീ​റ്റു​ക​ൾ വി​ശാ​ല​മാ​ക്കി 800 എ​ണ്ണ​മാ​ക്കി ചു​രു​ക്കി. "മ്മ​ടെ രാ​ഗം' എ​ന്ന ഹ്ര​സ്വ​ചി​ത്രം ഇ​റ​ക്കി​യാ​ണു ആ​രാ​ധ​ക​ർ പു​തി​യ തു​ട​ക്കം ആ​ഘോ​ഷ​മാ​ക്കി​യ​ത്.


മ​ല​യാ​ളസി​നി​മ​ക​ളി​ലെ സാ​ങ്കേ​തി​കപു​തു​മ​ക​ളും പ​രീ​ക്ഷ​ണ​ങ്ങ​ളും രാ​ഗ​ത്തി​ലാ​ണ് മ​ല​യാ​ളി​ക​ൾ ആ​ദ്യം ക​ണ്ട​ത്. ആ​ദ്യ സി​നി​മാ​സ്കോ​പ്പ് ചി​ത്രം ത​ച്ചോ​ളി അ​ന്പു, ആ​ദ്യ 70 എം​എം ചി​ത്രം പ​ട​യോ​ട്ടം, ആ​ദ്യ ത്രി​ഡി സി​നി​മ മൈ ​ഡി​യ​ർ കു​ട്ടി​ച്ചാ​ത്ത​ൻ എ​ന്നി​വ​യെ​ല്ലാം ഇ​വി​ടെ പ്ര​ദ​ർ​ശി​പ്പി​ച്ചു. ഷോ​ലെ, ബെ​ൻ​ഹ​ർ, ടൈ​റ്റാ​നി​ക് തു​ട​ങ്ങി​യ ചി​ത്ര​ങ്ങ​ൾ അ​തി​ന്‍റെ എ​ല്ലാ സൗ​ന്ദ​ര്യ​ത്തോ​ടെ​യും കാ​ണാ​ൻ രാ​ഗം പ്രേ​ക്ഷ​ക​ർ​ക്കു വ​ഴി​യൊ​രു​ക്കി. ടൈ​റ്റാ​നി​ക് 140 ദി​വ​സ​മാ​ണ് പ്ര​ദ​ർ​ശി​പ്പി​ച്ച​ത്.

ഷോ​ലെ സി​നി​മ​യി​ൽ ഗ​ബ്ബ​ർ​സിം​ഗ് മു​ക​ളി​ലേ​ക്കെ​റി​ഞ്ഞ നാ​ണ​യം താ​ഴെ​വീ​ഴു​ന്പോ​ൾ പ്രേ​ക്ഷ​ക​ർ സീ​റ്റി​ന​ടി​യി​ൽ നോ​ക്കു​മാ​യി​രു​ന്നു! ഡി​ടി​എ​സും ഡോ​ൾ​ബി​യു​മി​ല്ലാ​ത്ത കാ​ല​ത്ത് അ​ത്ര ഗം​ഭീ​ര ശ​ബ്ദ​വി​ന്യാ​സ​ത്തോ​ടെ​യാ​ണ് തി​യേ​റ്റ​ർ നി​ർ​മി​ച്ചി​രു​ന്ന​ത്. ഇ​ന്നും ഇ​ന്ത്യ​യി​ൽ ഏ​റ്റ​വും കൂ​ടു​ത​ൽ ക​ള​ക്‌​ഷ​നു​ള്ള ഒ​റ്റ സ്ക്രീ​ൻ തി​യേ​റ്റ​റു​ക​ളി​ലൊ​ന്നാ​ണ് രാ​ഗം. കേ​ര​ള​ത്തി​ലെ​ന്പാ​ടു​മു​ള്ള സി​നി​മാ​പ്രേ​മി​ക​ൾ ഒ​രു​ത​വ​ണ​യെ​ങ്കി​ലും തൃ​ശൂ​ർ രാ​ഗ​ത്തി​ൽ സി​നി​മ ക​ണ്ടി​ട്ടു​ണ്ടാ​വാം.