വഞ്ചിപ്പുര: ശക്തമായകാറ്റിൽ കൂറ്റൻ കാറ്റാടിമരം വൈദ്യുതലൈനിൽ വീണു. ഇന്നലെ അതിരാവിലെ 6.30നു കയ്‌പമംഗലം വഞ്ചിപ്പുര ബീച്ചിൽ സീവാൾ റോഡിൽ കൂറ്റൻ കാറ്റാടിമരം വീണ് കെഎസ്ഇബി ലൈനിൽ നാശനഷ്ടം സംഭവിച്ചു. മരം വീണതിനെത്തുടർന്ന് ഒരു തെങ്ങും ഒടിഞ്ഞുവീണ നിലയിലാണ്. തെങ്ങും കാറ്റാടിമരവും കെഎസ്ഇബി ലൈനിലേക്കാണു വീണത്. ഇതോടെ വൈദ്യുതിബന്ധവും റോഡ് ഗതാഗതവും തടസപ്പെട്ടു. ഏറെനേരത്തെ പരിശ്രമത്തിനൊടുവിൽ മരംമുറിച്ചുമാറ്റി റോഡിലെ തടസംമാറ്റി. ഏറെ വൈകിയാണു മേഖലയിലെ വൈദ്യുതിബന്ധം പുനഃസ്ഥാപിച്ചത്.