ഇരിങ്ങാലക്കുട: സംയോജിത മത്സ്യപരിപാലന പദ്ധതിയുടെ ഭാഗമായി അഞ്ചുലക്ഷം മത്സ്യക്കുഞ്ഞുങ്ങളെ കരുവന്നൂര്‍പ്പുഴയില്‍ നിക്ഷേപിച്ചു. ഫിഷറീസ് വകുപ്പിന്‍റെയും ഇരിങ്ങാലക്കുടയുടെ സമഗ്ര കാര്‍ഷിക വികസനപദ്ധതിയായ പച്ചക്കുടയുടെയും ആഭിമുഖ്യത്തില്‍ കാര്‍പ്പ് മത്സ്യക്കുഞ്ഞുങ്ങളെ നിക്ഷേപിക്കുന്ന പദ്ധതിയുടെ ഉദ്ഘാടനം മന്ത്രി ഡോ. ആര്‍. ബിന്ദു നിര്‍വഹിച്ചു.
കാറളം ആലുക്കകടവില്‍ നടന്ന ചടങ്ങില്‍ കാറളം ഗ്രാമപഞ്ചായത്ത് പ്രസിഡന്‍റ് ബിന്ദു പ്രദീപ് അധ്യക്ഷത വഹിച്ചു. ജില്ലാ പഞ്ചായത്ത് അംഗം ഷീല അജയഘോഷ്, കാറളം ഗ്രാമപഞ്ചായത്ത് അംഗങ്ങളായ യു.വി. അമ്പിളി, ജഗജി കായംപുറത്ത്, ബീന സുബ്രഹ്മണ്യന്‍, വൃന്ദ അജിത്കുമാര്‍, ഫിഷറീസ് അസിസ്റ്റന്‍റ് ഡയറക്ടര്‍ പി.ഡി. ലിസി, ഫിഷറീസ് എക്സ്റ്റന്‍ഷന്‍ ഓഫീസര്‍ എം.എം. ജിബിന മത്സ്യത്തൊഴിലാളികള് തുടങ്ങിയവര്‍ പങ്കെടുത്തു.