ക​ള​ക്ട​റോ​ടു ചോ​ദ്യ​ങ്ങ​ളു​മാ​യി വി​ദ്യാ​ർ​ഥി​സം​ഘം
Thursday, August 22, 2024 1:01 AM IST
തൃ​ശൂ​ർ: മ​ഴ ഉ​ണ്ടാ​കു​ന്പോ​ൾ അ​വ​ധി പ്ര​ഖ്യാ​പി​ക്കാ​നു​ള്ള മാ​ന​ദ​ണ്ഡ​ങ്ങ​ൾ എ​ന്തൊ​ക്കെ...?

ജി​ല്ലാ ക​ള​ക്ട​ർ അ​ർ​ജു​ൻ പാ​ണ്ഡ്യ​ന്‍റെ ചേം​ബ​റി​ൽ വി​ദ്യാ​ർ​ഥി​ക​ളു​മാ​യി ന​ട​ത്തി​യ മു​ഖാ​മു​ഖ​ത്തി​ൽ ആ​ദ്യം ഉ​യ​ർ​ന്ന ചോ​ദ്യ​മാ​ണി​ത്.

സു​ര​ക്ഷ​യ്ക്കു പ്രാ​ധാ​ന്യം ന​ൽ​കി​യും മ​ഴ​യു​ടെ തോ​തും തീ​വ്ര​ത​യും മു​ന്ന​റി​യി​പ്പു​നി​ല​യു​മെ​ല്ലാം പ​രി​ഗ​ണി​ച്ചു​മാ​ണ് അ​ത്ത​രം തീ​രു​മാ​ന​ങ്ങ​ളെ​ടു​ക്കു​ന്ന​തെ​ന്നു മ​റു​പ​ടി ന​ൽ​കി​യ​പ്പോ​ൾ, വി​ഷ​യം കൂ​ടു​ത​ൽ ഗൗ​ര​വ​ത്തോ​ടെ മ​ന​സി​ലാ​ക്കാ​നാ​യ​താ​യി വി​ദ്യാ​ർ​ഥി​സം​ഘം.

ജി​ല്ല​യി​ലെ വി​ദ്യാ​ർ​ഥി​ക​ളു​മാ​യി സം​വ​ദി​ക്കാ​നും അ​വ​രു​ടെ ആ​ശ​യ​ങ്ങ​ളും പ്ര​ശ്ന​ങ്ങ​ളും അ​വ​ത​രി​പ്പി​ക്കാ​നും ജി​ല്ലാ ക​ള​ക്ട​ർ സം​ഘ​ടി​പ്പി​ച്ച യോ​ഗ​ത്തി​ൽ ആ​ദ്യ​ത്തെ അ​തി​ഥി​ക​ളാ​യെ​ത്തി​യ​തു പാ​ന്പാ​ടി ഹ​യ​ർ സെ​ക്ക​ൻ​ഡ​റി സ്കൂ​ളി​ലെ വി​ദ്യാ​ർ​ഥി​ക​ളാ​ണ്.

എ​ന്തു​കൊ​ണ്ട് സി​വി​ൽ സ​ർ​വീ​സ് എ​ന്ന ചോ​ദ്യ​ത്തി​ന്, സ​മൂ​ഹ​ത്തി​ലെ എ​ല്ലാ മേ​ഖ​ല​ക​ളി​ലും ഇ​ട​പെ​ട​ലു​ക​ൾ ന​ട​ത്താ​ൻ ഐ​എ​എ​സ് പ​ദ​വി​യി​ൽ സാ​ധി​ക്കു​മെ​ന്നും എ​ന്നാ​ൽ ഓ​രോ​ര​ത്ത​രും ത​ങ്ങ​ളു​ടെ അ​ഭി​രു​ചി​ക​ൾ​ക്കും താ​ത്പ​ര്യ​ങ്ങ​ൾ​ക്കു​മ​നു​സ​രി​ച്ചു​ള്ള മേ​ഖ​ല​ക​ൾ തെ​ര​ഞ്ഞെ​ടു​ക്കാ​ൻ ശ്ര​ദ്ധി​ക്ക​ണ​മെ​ന്നും അ​ദ്ദേ​ഹം ഓ​ർ​മി​പ്പി​ച്ചു. ഐ​എ​എ​സ്, ഐ​പി​എ​സ് തെ​ര​ഞ്ഞെ​ടു​പ്പ്, ജി​ല്ലാ ക​ള​ക്ട​റെ​ന്ന നി​ല​യി​ൽ നേ​രി​ടു​ന്ന വെ​ല്ലു​വി​ളി​ക​ൾ, പ്ര​ശ്ന​ങ്ങ​ൾ, തൃ​ശൂ​രി​നെ​ക്കു​റി​ച്ചു​ള്ള പ്ര​തീ​ക്ഷ​ക​ൾ തു​ട​ങ്ങി​യ വി​വി​ധ വി​ഷ​യ​ങ്ങ​ൾ സം​ബ​ന്ധി​ച്ച് വി​ദ്യാ​ർ​ഥി​ക​ൾ ചോ​ദി​ച്ച​റി​ഞ്ഞു.


സ്കൂ​ളി​ലെ അ​ടി​സ്ഥാ​ന​സൗ​ക​ര്യ​ങ്ങ​ൾ വ​ർ​ധി​പ്പി​ക്ക​ണ​മെ​ന്നു വി​ദ്യാ​ർ​ഥി​ക​ൾ ആ​വ​ശ്യ​പ്പെ​ട്ടു. സ്വ​കാ​ര്യ ബ​സു​ക​ൾ നി​ർ​ത്താ​തെ​പോ​കു​ന്ന​തി​ന്‍റെ ബു​ദ്ധി​മു​ട്ട് ക​ള​ക്ട​റു​ടെ ശ്ര​ദ്ധ​യി​ൽ​പ്പെ​ടു​ത്തി​യ​പ്പോ​ൾ വി​ഷ​യ​ത്തി​ൽ ഇ​ട​പെ​ടു​മെ​ന്ന് അ​ദ്ദേ​ഹം ഉ​റ​പ്പു​ന​ൽ​കി.

സ്കൂ​ൾ പ്രി​ൻ​സി​പ്പ​ൽ ഇ​ൻ ചാ​ർ​ജ് സ​ത്യ​നാ​രാ​യ​ണ​ൻ, ഇ​ക്ക​ണോ​മി​ക്സ് അ​ധ്യാ​പ​ക​ൻ ടി. ​വാ​സു​ദേ​വ​ൻ എ​ന്നി​വ​ർ​ക്കൊ​പ്പം പ്ല​സ് വ​ണ്‍, പ്ല​സ് ടു ​ക്ലാ​സു​ക​ളി​ലെ 20 വി​ദ്യാ​ർ​ഥി​ക​ളാ​ണ് ക​ള​ക്ട​റേ​റ്റി​ലെ​ത്തി​യ​ത്. പ്ര​തി​വാ​രം ഓ​രോ സ്കൂ​ളി​ലെ​യും കോ​ള​ജു​ക​ളി​ലെ​യും തെ​ര​ഞ്ഞെ​ടു​ക്ക​പ്പെ​ട്ട വി​ദ്യാ​ർ​ഥി​ക​ളെ ഉ​ൾ​പ്പെ​ടു​ത്തി ആ​ശ​യ​വി​നി​മ​യം ന​ട​ത്തു​ന്ന​തി​ന്‍റെ ഭാ​ഗ​മാ​യാ​ണ് പ​രി​പാ​ടി സം​ഘ​ടി​പ്പി​ച്ച​ത്.