കോലഴി: നിയന്ത്രണംവിട്ട പാഞ്ഞുകയറിയ കാർ റോഡരികിലെ പെട്ടിക്കട തകർത്തു. യാത്രികൻ അദ്ഭുതകരമായി രക്ഷപ്പെട്ടു. കഴിഞ്ഞദിവസം രാത്രി 11.30 ന് കോലഴി ഡോക്ടർപടി പാടത്തിനു സമീപമാണ് അപകടം.
തൃശൂരിൽനിന്ന് പോട്ടൂർ ഭാഗത്തേക്കു പോകുകയായിരുന്ന കാർയാത്രികന് എതിർദിശയിൽനിന്നു വന്നിരുന്ന വാഹനത്തിന്‍റെ ബ്രൈറ്റ് ലൈറ്റിനെതുടർന്ന് കാഴ്ച മറഞ്ഞതാണ് അപകടത്തിനു കാരണമായത്. അപകടത്തിൽ വിയ്യൂർ സ്വദേശി അജിത്തിന്‍റെ ഉടമസ്ഥതയിലുള്ള പെട്ടിക്കട തകർത്ത കാർ സമീപത്തെ പാടത്തിന്‍റെ കരിങ്കൽഭിത്തിയിലിടിച്ച് കാനയിൽ കുടുങ്ങിയതിനാലും പാടത്തേക്കു മറിയാതിരുന്നതിനാലും വലിയ അപകടമാണ് ഒഴിവായത്.