വാടാനപ്പിള്ളി: വാടാനപ്പിള്ളി ബീച്ച് ഫസൽനഗറിൽ കടൽക്ഷോഭം. ഇന്നലെ വൈകീട്ടാണ് തിരയടിച്ച് കരയിലേക്കു കയറിയത്. ആറോളം വീടുകളിൽ വെള്ളംകയറി. സീവാൾ റോഡ് ഒലിച്ചുപോയി. ഭിത്തികൾ തകർന്നിടത്താണു കടലാക്രമണം ശക്തമായത്.
പ്രദേശത്തെ വീടുകൾ അപകടഭീഷണിയിലാണ്. വെള്ളംകയറിയതോടെ കുടുംബങ്ങൾ മാറിത്താമസിക്കേണ്ട അവസ്ഥയിലാണ്. കല്ലടിക്കുകയോ മണൽച്ചാക്കുകൾ നിരത്തുകയോ ചെയ്തില്ലെങ്കിൽ വെള്ളംകയറി വീടുകൾ തകരുമെന്ന നിലയിലാണ്.