തിരുവില്വാമല: ഗവ. വൊക്കേഷണൽ ഹയർ സെക്കൻഡറി സ്കൂളിലെ 1977 വർഷത്തെ പൂർവ വിദ്യാർഥി സംഗമം നടത്തി. തിരുവില്വാമല തൊഴൂർ നാരായണൻ കുട്ടിയുടെ ഭവനത്തിലാണ് അന്ന് പത്താം ക്ലാസ് പഠിച്ചിറങ്ങിയ പൂർവ വിദ്യാർഥികൾ ഒത്തുചേർന്നത്.
സംസ്ഥാനത്തിനകത്തും, പുറത്തും, വിദേശത്തുനിന്നുമായി നിരവധി പേർ പങ്കെടുത്തു. ഡോ. ശിവശങ്കരന്‍റെ ഫ്ലൂട്ട്‌വായനയും, രുഗ്മിണിയുടെ ഗാനങ്ങളും, കലാമണ്ഡലം രാധാമണിയുടെ ഓട്ടൻ തുള്ളലും, പാട്ടും, നൃത്തവും വൈവിധ്യമാർന്ന കലാപരിപാടികളും ഒത്തുചേരൽ അവിസ്മരണീയമാക്കി. നവമാധ്യമങ്ങൾ വഴി ബന്ധപ്പെട്ടാണ് ഒത്തുചേരൽ സാധ്യമാക്കിയത്. രാജശേഖരൻ, നാരായണൻ കുട്ടി എന്നിവർ നേതൃത്വം നൽകി .