തൃശൂർ: കല്യാണ് സിൽക്സ് ഉടമ പട്ടാഭിരാമന് ടീം ജഴ്സി സമ്മാനിച്ച് തൃശൂർ ടൈറ്റൻസ് ടീം അംഗങ്ങളും മാനേജ്മെന്റും. ബിസിനസിനും സാംസ്കാരികപൈതൃകത്തിനും പേരുകേട്ട തൃശൂരിന് പ്രഥമ ടി 20 കേരള ക്രിക്കറ്റ് ലീഗിൽ സ്വന്തമായി ടീം ലഭിച്ചതിൽ ഒരുപാട് സന്തോഷമുണ്ടെന്നു പട്ടാഭിരാമൻ പറഞ്ഞു.
കോർപറേഷൻ ഗ്രൗണ്ടിൽ നടന്ന ചടങ്ങിൽ തൃശൂർ ടൈറ്റൻസ് സിഇഒ ശ്രീജിത്ത് രാജൻ, മുൻ ഇന്ത്യൻ ഫുട്ബോൾ താരം സി.വി. പാപ്പച്ചൻ, കേരള ക്രിക്കറ്റ് ടീം മുൻ ക്യാപ്റ്റനും ടൈറ്റൻസിന്റെ മുഖ്യപരിശീലകനുമായ സുനിൽ ഒയാസിസ്, ടീം മെന്റർ സുനിൽ, തൃശൂർ ജില്ലാ ക്രിക്കറ്റ് അസോസിയേഷൻ സെക്രട്ടറി ജോസ് പോൾ എന്നിവരും ചടങ്ങിൽ പങ്കെടുത്തു.