തൃശൂർ: സീനിയർ ജേണലിസ്റ്റ്സ് ഫോറം 12-ാം സംസ്ഥാന സമ്മേളനം നവംബർ 22, 23, 24 തീയതികളിൽ തൃശൂരിൽ നടക്കും. പ്രസ് ക്ലബ്ബിൽ ചേർന്ന യോഗത്തിൽ മുഖ്യമന്ത്രി മുഖ്യരക്ഷാധികാരിയും മന്ത്രിമാർ, ജനപ്രതിനിധികൾ എന്നിവർ രക്ഷാധികാരികളായും 51 അംഗ സ്വാഗതസംഘം രൂപീകരിച്ചു.
സ്വാഗതസംഘം ചെയർമാനായി മേയർ എം.കെ. വർഗീസിനെയും വർക്കിംഗ് ചെയർമാനായി അലക്സാണ്ടർ സാമിനെയും ജനറൽ കണ്‍വീനറായി എൻ. ശ്രീകുമാറിനെയും തെരഞ്ഞെടുത്തു. മന്ത്രി കെ. രാജൻ ഉദ്ഘാടനം ചെയ്തു. ഫോറം സംസ്ഥാന പ്രസിഡന്‍റ് എ. മാധവൻ അധ്യക്ഷത വഹിച്ചു.
എ.സി. മൊയ്തീൻ എംഎൽഎ, മുൻ മേയർമാരായ ഐ.പി. പോൾ, കെ. രാധാകൃഷ്ണൻ, ഫോറം ജനറൽ സെക്രട്ടറി കെ.പി. വിജയകുമാർ, വിവിധ കക്ഷി നേതാക്കളായ എം.എസ്. സന്പൂർണ, ടി. പ്രദീപ്കുമാർ, ഉണ്ണികൃഷ്ണൻ ഈച്ചരത്ത്, മീഡിയ അക്കാദമി വൈസ് ചെയർമാൻ ഇ.എസ്. സുഭാഷ്, ബ്രാഹ്മണസഭ ജില്ലാ സെക്രട്ടറി മൂർത്തി, ബാനർജി ക്ലബ് സെക്രട്ടറി ടൈനി ഫ്രാൻസിസ്, ഫോറം ജില്ലാ പ്രസിഡന്‍റ് ബാലകൃഷ്ണൻ കുന്നന്പത്ത്, സെക്രട്ടറി ജോയ് എം. മണ്ണൂർ, പ്രസ് ക്ലബ് സെക്രട്ടറി പോൾ മാത്യു, നിയുക്ത സെക്രട്ടറി രഞ്ജിത് ബാലൻ എന്നിവർ പങ്കെടുത്തു. സമ്മേളനത്തിന്‍റെ ഭാഗമായി വാർത്താചിത്രങ്ങളുടെ പ്രദർശനം മൂന്നു ദിവസങ്ങളിലായി സംഘടിപ്പിക്കും.