മാള: ഹോളിഗ്രേസ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് സംഘടിപ്പിക്കുന്ന ഒന്നാമത് തോമസ് പൗളിന മെമ്മോറിയൽ ഓൾ കേരള ഇന്റർ സ്കൂൾ വോളിബോൾ ടൂർണമെന്റ് 22, 23 തിയതികളിൽ നടക്കും. ഹോളിഗ്രേസ് ഗ്രൗണ്ടിൽ നടക്കുന്ന ടൂർണമെന്റിൽ കേരളത്തിലെ പ്രമുഖ സ്കൂൾ ടീമുകളായ ജി.വി. രാജ സ്പോർട്സ് സ്കൂൾ തിരുവനന്തപുരം, എസ്ജിവിഎച്ച്എസ്എസ് പേരാമംഗലം, സിജെഎംഎച്ച്എസ്എസ് വരന്തരപ്പിള്ളി, നടുവണ്ണൂർ ഹയർ സെക്കൻഡറി സ്കൂൾ കോഴിക്കോട് ഉൾപ്പെടെയുള്ള എട്ടു ടീമുകൾ പങ്കെടുക്കും.
22നു രാവിലെ ആറിനു മത്സരങ്ങൾ ആരംഭിക്കും. രാവിലെ ഒന്പതിന് അർജുന അവാർഡ് ജേതാവും ഇന്ത്യൻ ഇന്റർനാഷണൽ വോളിബോൾ പ്ലെയറുമായ ടോം ജോസഫ് മത്സരങ്ങൾ ഉദ്ഘാടനം ചെയ്യും. വിജയികൾക്കു ട്രോഫികൾ സമ്മാനിക്കുന്നതിനൊപ്പം വ്യക്തിഗത മികവിനു പുരസ്കാരങ്ങൾ നൽകുമെന്നു ഹോളിഗ്രേസ് ഡയറക്ടർ ബെന്നി കളപ്പുരയ്ക്കൽ, വോളിബോൾ ഹെഡ് കോച്ച് സഞ്ജയ് ബാലിക, സ്പോർട്സ് ക്ലബ് കോ-ഒാർഡിനേറ്റർ സി.ആർ. വിഷ്ണു, ഫിസിക്കൽ എഡ്യുക്കേഷൻ ഡിപ്പാർട്ട്മെന്റ് പ്രതിനിധി പി.എം. ജ്യോതിഷ് എന്നിവർ പത്രസമ്മേളനത്തിൽ പറഞ്ഞു.